مەسروور بارزانی پەیامێکی ئاراستەی یەکێتیی ئافرەتان کرد
راوێژکاری ئەنجومەنی ئاسایشی هەرێمی کوردستان، پەیامێکی پیرۆزبایی ئاراستەی یەکێتیی ئافرەتانی کوردستان کرد.
ئەمڕۆ چوارشەممە ۵ی۹ی۲۰۱۸ مەسرور بارزانی، راوێژکاری ئەنجومەنی ئاسایشی هەرێمی کوردستان، لە پەیامێکی پیرۆزباییدا بەبۆنەی به‌ستن و كۆتایهاتنی كۆنگره‌ی هه‌شته‌م له‌مه‌كته‌بی سكرتاریه‌تی یه‌كێتی ئافره‌تانی كوردستان ، رایگەیاند: ”به‌بۆنه‌ی به‌ستن و به‌سه‌ركه‌وتوویی كۆتایهاتنی هەشتەمین كۆنگرەی یەكێتیی ئافرەتانی كوردستان پیرۆزبایی گه‌رم لە سەرجەم ئافرەتانی كوردستان و ئەندامانی كۆنگرە و ئەندامان و كادیرانی یەكێتییەكه‌تان دەكەین“.
راوێژکاری ئەنجومەنی ئاسایشی هەرێمی کوردستان، لە پەیامەکەیدا، ئەوەشی خستووەتەڕوو: ”هیوادارین سه‌ركردایه‌تیی نوێ، رۆڵی كاریگه‌ری خۆیان له‌خزمه‌ت مافی ئافره‌تان به‌گشتی و ئاشتی كۆمه‌ڵایه‌تی و په‌ره‌پێدانی بابه‌ته‌نیشتمانییه‌كان و مافی مرۆڤ بگێڕێت“.
