روونكردنەوەیەك لە وەزیری دارای و ئابوری هەرێمی كوردستان
دوای ئەوەی ئەمڕۆ مووچەی فەمانبەرانی نەخۆشخانەی شار لە لایەن چەند چەكدارێك رفێندرا, لە چەند كەناڵ و دەزگایەكی میدیایی بە ناوی وەزیری دارای و ئابوری هەرێمی كوردستان روونكردنەوەیەك بڵاوكرایەوە, دوای چەند كاتژمێرێك نوسینگەی وەزیری دارای روونكردنەوەیەكی بڵاوكردەوە.
نووسینگەی ڕاگەیاندنی وەزیری دارایی و ئابووری حكوومەتی هەرێمی كوردستان لە ڕوونكردنەوەیەكدا ڕەتیدەكاتەوە كە وەزیر لەبارەی ڕووداوی دزی مووچەی كارمەندانی نەخۆشخانەی شار-ی سلێمانی هیچ لێدوان و روونكردنەوەیەكی دابێت.
ڕوونكردنەوەكە وێنەیەكی بۆ(خواكوڕك) نێردراوە و تیایدا ئاماژە بە ئەوە دراوە كە ئەمڕۆ رێباز حەملان وەزیری دارایی و ئابووری بەهیچ شێوەیەك ڕوونكردنەوە و لێدوانی سەبارەت بە ڕووداوی دزینی یەك ملیار دیناری مووچەی كارمەندانی نەخۆشخانەی شار-ی سلێمانی نەداوە.
نووسینگەكە ئاماژەی بۆ ئەوە كردووە كە لە ئەژمارێكی ساختەی تۆڕی كۆمەڵایەتی فەیسبووك كە بە ناوی وەزیری داراییەوە داندراوە ڕوونكردنەوەیەكی ناڕاست بڵاوكراوەتەوە، جەختیشی كردووەتەوە كە وەزیری دارایی لەگەڵ لایەنە پەیوەندیدارەكان لە پەیوەندی بەردەوامدایە بۆ دۆزینەوەی ئەنجامدەرانی تاوانەكە.
