سەرۆکی هەرێمی کوردستان پیرۆزبایی جەژنی چلەی هاوین لە ئێزیدییەکان دەکات
بەبۆنەی هاتنەوەی جەژنی چلەی هاوینی ئێزیدییەکان
سه‌رۆكی هه‌رێمی كوردستان، پەیامێکی پیرۆزبایی ئاراستەی ئێزیدییەکان دەکات، لە پەیامەکەیدا هاتووە:” جه‌ژنی چله‌ی هاوین له میری ئێزدیان و جڤاتی روحانی و ته‌واوی كوردانی ئێزدی پیرۆز ده‌كات و، هیوای جه‌ژنێكی پڕ له خێر و خۆشی بۆیان ده‌خوازێت و ئاماژه به‌و نه‌هامه‌تییانه‌ش ده‌كات، كه به‌سه‌ر به كوردانی ئێزدیدا هاتوون، هه‌روه‌ها ئومێدی گه‌ڕانه‌وه‌ش بۆ ئێزدییه ونبووه‌كانی ده‌ست داعش ده‌خوازێت.
جه‌ژنا چلێ هاڤینێ یا ئێزدییان، ب گەرمى ل میرێ ئێزدییان و جڤاتا رووحانى و هه‌موو خوشك و برایێن ئێزدی یێن كوردستانێ و جیهانێ پیرۆز دکەم. هیڤیدارم ئه‌ڤ جه‌ژنه ب خێر و شادى ژبۆ هەموو ئێزدییان و كوردستانێ بگشتی ڤه‌گه‌ڕیت.
د دەمەکێدا جەژنا چلێ هاڤینێ پیرۆز دکەین، ئەم ب ڕێز و شکۆدارى ژى قوربانى یێن كاره‌ساتێن کو هاتنە سەرێ ئێزدییان ببیر تینین و دروود و سلاڤان بۆ گیانێ وان دهنێرین. هیڤیدارین جه‌ژن و بیرهاتنێن بهێن د ڕەوشەکا باشتردا ڤەگەڕن و هەموو خوشك و برایێن مه یێن ئێزدی ل وار و جهێن خۆیێن ئاڤه‌دانكری ڤەگەڕیابن، وندا و ڕه‌ڤاندى ژی ئازاد بووبن.
جاره‌كا دی جه‌ژنا چلێ هاڤینێ ل هه‌موو خوشك برایێن ئێزدی پیرۆز بیت، هه‌ر ساڵ ب خێر و خۆشى.
نێچیرڤان بارزانى، سەرۆکێ هەرێما کوردستانێ، 30/7/2019
