عادل عەبدولمەهدی : بۆ پاراستنی خۆپیشاندەران هێزێکی تایبەت پێک دێنم
عادل عەبدولمەهدی ڕایگەیاند ئەرکی سەرەکی حکومەت دەبێت پاراستنی هاووڵاتی و جێگیرکردنی یاسا بێت ، هێزی ناشەرعی نابێت بوونی هەبێت و چەکیش تەنیا دەبێت لە دەستی حکومەت بێت .
سەرۆک وەزیرانی عێراق لە زانکۆی بەرگری بۆ توێژینەوەی سەربازی وێڕای پێداگری لە مافی هاووڵاتیان و پاراستنیان لە هەواڵێکی نوێدا ڕایگەیاند ، کوژرانی خۆپیشاندەران جێگەی گوومانە ، بۆیە بۆ پاراستنی هاووڵاتیانی ناڕازی و خۆپیشاندەر هێزێکی تایبەتی پێک دەهێنێت .
لە بەشێکی تری قسەکانیدا عادل عەبدولمەهدی گووتی سوپای ڕاستەقینەی وڵات ، گەلی عێراقە ، بۆیە پێویستە بپارێزرێن .
لە کۆتاییدا دەڵێت لە هەوڵی هەموار کردنەوەی دەستوور داین ، هێزێکی ڕاهێندراوی تایبەتیشمان پێک هێناوە کە ڕاهێنانیان پێکراوە چۆن لە گەڵ خۆپیشاندەران هەڵس و کەوت بکەن و بیانپارێزن .
