وەزیری ناخۆ سزا بۆ ئەو کەسانە دیاری دەکات پابەندی رێنماییەکان نەبن
لە کۆنفرانسێکی رۆژنامەوانیدا ، رێبەر ئەحمەد وەزیری ناوخۆی حکومەتی هەرێمی کوردستان ڕایگەیاند لە سەر هەموو هاووڵاتیان پێویستە ڕەچاوی رێننماییەکانی چۆن هاتووچۆ کردن بکەن لە نێوان شارەکاندا بە پێی ئەو یاسایەی دیاری کراوە ، هاوکاتیش ئاشکرای دەکات ئەگەر ئەو هاووڵاتیانەی لە ئێرانن لە کاتی دیاری کراو کە کۆتایی 15ی مانگە نەگەرێنەوە هەرێم ، دواتر رێگەی گەڕانەوەیان پێنادرێت .
سەبارەت بە هەڵمەتی رووبەڕوو بوونەوەی ڤایرۆسی کۆرۆنا و خۆپارێزی گووتی هەرکەس پابەندی رێنماییەکان نەبێت بە پێی یاسا لێپێچینەوەی لە گەڵ دەکرێت .
رێبەر ئەحمەد لە درێژەدا گوتی ، هیچ کەس بۆی نییە بە کۆمەڵ بچێتە گەشت و سەیران، دەبێت یەک خێزان بە تەنیا گەشت بکەن و دوور لە یەکتر لە سەیرانگاکان دانیشن .
وەزیری تەندروستی حکومەتی هەرێمی کوردستانیش داوا لە هەموو ئەو هاووڵاتیانە دەکات کەپێشتر لە کەرەنتینە دابوون و گەڕاونەتەوە ناو ماڵەکانیان ، دەڵێت زۆر بە باشی خۆپاریزی بکەن و لە ئەگەری هەردیاردەیەک لە هەناویاندا پێوەندی بە 122 بکەن .
