ئیمایلی کارمەندانی رێکخراوی تەندروستی جیهانی کەوتە بەر هێرشی هاککەرانی حکومەتی ئێران
![](https://xwakurk.com/wp-content/uploads/2019/11/webste-qalb-wena-136.jpg)
رۆیترز لە هەواڵێکدا ئاشکرای دەکات گروپێکی هاککەری سەر بە ئێران لە هەوڵی ئەوە دابوون ئیمایلی کارمەندانی رێکخراوی تەندروستی جیهانی هاک بکەن کە کار لە سەر قەیرانی کۆرۆنا دەکەن و ئاماری رۆژانەی جیهانی تۆمار دەکەن .
تا ئێستا چوار سەرچاوەی تایبەتی ئەو بوارە ئەو هەواڵەیان پشتڕاست کردۆتەوە کە ئێرانییەکان بە هەناردەکردنی ئیمایلی ساختە ( فیشینگ ) ویستوویانە سنووری پەسۆردەکان ببڕن و ئاماری دوور لە راستی لە سەر ئێران لەوێوە بڵاو بکەنەوە .
هاوکات وتەبێژی تەندروستی جیهانی ئەم هەوڵە نابەجێیەی هاککەرانی ئێرانی پشتڕاست دەکاتەوەو دەڵێت تا ئێستا چەندین ئیمایلی تایبەتی کارمەندانمان هێرشیان کراوەتە سەر .