سبه‌ی كه‌ره‌نتینه‌ی ناحیه‌ی خه‌لیفان كۆتای دێت 566 پشكنین ئه‌نجامدران سه‌رجه‌میان نێگه‌تیڤ بوون
دوای چوارده رۆژ له كه‌ره‌نتینه‌كردنی ناحیه‌ی خه‌لیفان و گوندی سرێشمه به هۆی تۆماركردنی 7 حاله‌تی تووش بوون به ڤایرۆسی كۆرۆنا له ناوچه‌كه، سبه‌ی دوا واده‌ی كه‌ره‌نتینه‌كردنی ناوچه‌كه كۆتای دێت.
به پێی زانیاریه‌كانی ده‌زگای میدیایی خواكوڕك له دوای كه‌ره‌نتینه‌كردنی ناحیه‌یی خه‌لیفان و گوندی سرێشمه تا ئێستا 566 پشكنینی پزیشكی ئه‌نجامدراون، سه‌رجه‌م پشكنینه‌كان نێڤه‌تیڤ ده‌رچوونه.
له باره‌ی هه‌ڕڵگرتنی كه‌ره‌نتینه‌ش له ناحیه‌كه كاروان كه‌ریمخان به‌ڕێوه‌به‌ری ناحیه‌یی خه‌لیفان له پێگه‌ی تایبه‌تی خۆی له تؤری كۆمه‌ڵایه‌تی فه‌یسبووك نووسیوه‌تی چاوه‌ڕوانی ده‌رئه‌نجامی چه‌ند پشكنینێكی نوێین بۆ كۆتا هێنان به كه‌ره‌نتینه له سنوری ناحیه‌كه.
هه‌روه‌ها خواكوڕك زانیویه‌تی كه سبه‌ی كه‌ره‌نتینه له سه‌رخه‌لیفان هه‌ڵده‌ستێت چونكه دوای پشكنینی ژماره‌یه‌كی زۆری خه‌لكی سه‌رجه‌میان نێگه‌تیڤ بوونه، وه ئه‌وانه‌ی پێشتریش تووشی كۆرۆنا بوون له ناحیه‌كه سه‌رجه‌میان چاكبوونه‌ته‌وه‌و ناحیه‌كه‌یان جێ هێشتووه.
