وه‌زیری دارایی زانیاری نوێ له‌سه‌ر چۆنییه‌تی دابه‌شكردنی مووچه ئاشكرا ده‌كات
وه‌زیری دارایی و ئابووری حكوومه‌تی هه‌رێمی كوردستان ئاشكرای دەكات کە بڕیاری كەمكردنەوەی مووچە تەنها بۆ یەك مانگە و بڕیاری هەموو ئەنجوومەنی وەزیران بووە.
ئاوات شێخ جه‌ناب وه‌زیری دارایی و ئابوری حكوومه‌تی هه‌رێمی كوردستان كه له پشكی بزوتنه‌وه‌ی گۆڕان ئه‌و پۆسته‌ی وه‌رگرتووه له‌باره‌ی بڕیاره‌كه‌ی ئه‌نجوومه‌نی وه‌زیران بۆ كه‌مكردنه‌وه‌ی مووچه به میدیای حزبه‌كه‌ی راگەیاندووە: “ئه‌و بڕیاره بڕیاری ئه‌نجوومه‌نی وه‌زیرانه و هه‌مومان له‌گه‌ڵی بووین.
ئاوات شێخ جه‌ناب وه‌زیری دارایی و ئابووری حكوومه‌تی هه‌رێمی كوردستان، له میانه‌ی چاوپێكه‌وتنێكی له‌گه‌ڵ میدیای حزبه‌كه‌ی ڕایگه‌یاندووه، بڕیاری كه‌مكردنه‌وه‌ی مووچه بڕیاری هه‌موو ئه‌نجوومه‌نی وه‌زیرانه و هه‌مووان له‌گه‌ڵی بوون، هۆكاره‌كه‌یش پێوه‌ندی به نه‌بوونی پاره‌وه هه‌یه، چونكه عێراق له ساڵی 2019 به‌ڕێژه‌ی 50% بودجه‌ی كوردستانی بڕێوه و له ساڵی 2020 به بڕیارێكی ناده‌ستووری 453 ملیار دیناره‌كه‌یشی بڕی له‌كاتێكدا به‌پێی ده‌ستوور مووچه نابێ بخرێته ناو ململانێی سیاسیی.
روونیشی كردووه‌ته‌وه كه ئه‌و بڕیاره كاتییه و ته‌نیا بۆ ئه‌و مانگه‌یه، چونكه هه‌ر ئه‌وه‌نده ته‌مویل بۆ مووچه له‌به‌رده‌ست هه‌بووه.
وه‌زیری دارایی و ئابووری حكوومه‌تی هه‌رێمی كوردستان ئاماژه به‌وه ده‌كات كه ئه‌و بڕیاره بۆ پله تایبه‌ت و وه‌زیره‌كان جیاوازه و ئه‌وان ته‌نیا 50% مووچه‌كانیان خه‌رج ده‌كرێ و دامه‌زراوه‌كان راسپێردراون كه به میكانیزمێك مووچه دابه‌ش بكه‌ن كه ئه‌وانه‌ی مووچه‌یان كه‌مه كه‌متر لێیان ببڕێت و مه‌رج نییه 20%یان لێ ببڕێ ” ئه‌و كورتهێنانه مووچه كه‌مه‌كان به‌ڕێژه‌ی كه‌متر له 20% ده‌گرێته‌وه.
له كۆتایی چاوپێكه‌وتنه‌كه‌یشدا دووپات ده‌كاته‌وه كه ئه‌و بڕیاره به‌رپرسیارییه‌تی ده‌كه‌وێته ئه‌ستۆی سه‌ر هه‌موو ئه‌ندامانی ئه‌نجوومه‌نی وه‌زیران و هیچ وه‌زیرێك له دژی قسه‌ی نه‌كردووه.
دوێنی حكوومه‌تی هه‌رێمی كوردستان بڕیاریدا كه 79%ی مووچه‌ی فه‌رمانبه‌ران ته‌مویل بكات و 50% مووچه‌ی پله باڵاكانیش ببڕێت به بڕوای شاره‌زایان، ئه‌و بڕیاره به‌ته‌واوی دادگه‌ی له مووچه‌دا ده‌چه‌سپێنی.
