لە هێرشێکی ئاسمانی ئیسرائیلدا ژمارەیەکی بەرچاو چەکداری ئێرانی کوژران
روانگەی سووری بۆ مافەکانی مرۆڤ ئاشکرای دەکات لە ماوەی 24 کاتژمێری ڕابردوو ، فڕۆکەکانی ئیسرائیل سنووری ئاسمانی سووریایان بەزاندووەو چەند پێگەیەکی سەربازی سەر بە ئێرانیان بۆردومان کردووە .
بۆردوومانەکان جارێک رۆژهەڵاتی سووریای کردۆتە ئامانج و جارێکیش لە نزیک سنووری عێراق و سووریا بووە .
لە ئاکامی ئەم بۆردوومانەدا ئەوەی تائیستا پشتڕاست کراوەتەوە ، 15 چەکداری سەر بە سوپای پاسدارانی کوژراون .
هەمان سەرچاوە ئاماژە بەوە دەکات 3 لە کوژراوەکان لە فەرماندەباڵاکانی سوپای پاسدارانن کە لە کاتی کۆبوونەوە کەوتوونەتە بەر هێرش و کوژراون .
