بارەگای بارزانی سەرەخۆشی لە خانەوادەی حەمەد گۆرۆنی دەکات

بارەگای بارزانی پرسەنامەیەک ئاراستەی خانەوادەی خوالێخۆشبوو حەمە گۆرۆنی دەکات و وێرای دەربڕینی هاوخەمی بۆ لە دەست دانی ئەو کەسایەتییەی دەڤەری باڵەکایەتی لە خوای مەزن داواکارن روحی بە بەهەشتی بەرین شاد بکات

دەقی پەیامەکە

بەناوی خودای بەخشندە و میهرەبان

بەڕێزان، خانەوادەی خوالێخۆشبوو حەمەد گۆرۆنی

بەدڵگرانییەکی زۆرەوە هەواڵی کۆچی دوایی پێشمەرگەی هەردوو شۆڕشی ئەیلول و گوڵان و کەسایەتیی ناسراوی دەڤەری باڵەکایەتی و برای شەهید نەجمەدین گۆرۆنی خوالێخۆشبوو( حەمەد گۆرۆنی )ـمان پێگەشت.

پرسه‌ و سه‌ره‌خۆشی خۆمان ئاراسته‌ی خانه‌واده‌ به‌ڕێزه‌که‌تان ده‌که‌ین، و ‌هاوبه‌شی خه‌می ئێوە و خزم و دۆست و ئاشنایانتانین.

له‌ خودای گه‌وره‌ داواکارین گیانی حەمەد گۆرۆنی به‌ر ره‌حمه‌تی خۆی بخات و به‌ به‌هه‌شتی به‌رینی شاد بکات و سه‌بر و ئارامیش به‌ ئێوه‌ ببه‌خشێت.

اناللە وانا الیە راجعون

بارەگای بارزانی

٢٤ـی ٦ـی ٢٠٢٠