رۆیته‌رز: ئایشواریا رای به هۆی تووشبوون به كۆرۆنا گه‌یێندرایه نه‌خۆشخانه
له‌گه‌ڵ ئه‌وه‌ی ژماره‌ی توشبوانی كۆرۆنا له هیندستان تا دێت زیاد ده‌بێت، میدیاكانی هیندستان رایانگه‌یان كه خانمه ئه‌كته‌ری ناسراوی بۆلیود ئایشواریا رای تووشی كۆرۆنا بووه‌و گه‌یێندراوه‌ته نه‌خۆشخانه.
ئاژانسی هه‌والی رۆیته‌رز رایگه‌یانتدووه كه هه‌فته‌ی رابردوو هه‌واڵی تووشبوونی ئابیشه‌ك باچان هاوسه‌ری ئایشواریا و ئامیتاب باچانی خه‌زوری به كۆرۆنا بڵاوكرابوه‌وه و دوای ئه‌وه سه‌رجه‌م ئه‌ندامانی خێزانه‌كه‌یان كه‌ره‌نتین كرابوون، به‌ڵام ئه‌مڕۆ ئایشوار رای گه‌یێندرایه نه‌خۆشخانه.
رۆیته‌رز راشیگه‌یاندووه كه خانمه ئه‌كته‌ره كه ساڵی 1994 وه‌ك شاجوانی جیهان هه‌ڵبژێردرابوو، یه‌كێكه له ناسراوترین ئه‌كته‌ره‌كانی هیندستان و له ئێستادا له نه‌خۆشخانه‌ی ناناواتی بۆمبای له ژێر چاودێریدایه. ئارادیا كچه ته‌مه‌ن 8 ساڵانه‌كه‌ی ئایشواریاش به هه‌مان شێوه تووشی كۆرۆنا بووه و گه‌یه‌نراوه‌ته نه‌خۆشخانه.
