پۆلیسێكی رانیه، له پشوو بووم فه‌رمانم پێكرا بچمه پێشوازی لاهور جه‌نگی، كه چوون هه‌ر خۆم نا كارمه‌ندی ئێشكگری نه‌خۆشخانه‌ی كۆرۆناش ناچار كرابوو بێت
دوای ئه‌وه‌ی لاهور جه‌نگی هاوسه‌رۆكی یه‌كێتی نیشتمانی كوردستان سه‌ردانی ئیداره‌ی راپه‌ڕینی كرد، وه‌ك له وێنه‌كان ده‌رده‌كه‌وێت ژماره‌یه‌كی زۆری هاووڵاتیان به‌ده‌وریه‌وه كۆبوونه‌ته‌وه به‌بێ جێبه‌جێكردنی رێنماییه ته‌ندروستیه‌كان ئه‌مه‌ش ده‌بێته هۆی زیاد بوونی ژماره‌ی تووشبوانی كۆرۆنا له‌و ناچه‌یه، پۆلیسێكیش ده‌لێت فه‌رمانم پێكراوه بچمه پێشوازی لاهور.
پۆلیسێك له به‌ڕێوبه‌رایه‌تی پۆلیسی راپه‌ڕین نه‌یویست ئاماژه به ناوه‌كه‌ی بده‌ین و گوتی بۆ ئه‌وه‌ی نان بڕاو نه‌كرێم ناوم مه‌هێنن به ده‌زگای میدیای خواكوڕكی راگه‌یاندووه كه رۆژێك به‌ر له هاتنی لاهور جه‌نگی بۆ سنوری راپه‌ڕێن هه‌موو ئه‌و پۆلیسانه‌ی له ئه‌ركدابوون و ئه‌وانه‌شی كه پشوو بوون له شوێنی دیاری كراو ئاماده‌ی پێشوازی كردن بن له لاهور جه‌نگی.
ئه‌و پۆلیسه گوتیشی من و زۆرێكی دیكه گوتمان ئاماده نابین كاتژمێر 11ـی شه‌و په‌یوه‌ندیمان پێوه‌كرایه‌وه ئه‌گه‌ر پابه‌ندی فه‌رمانه‌كه نه‌بن ئه‌وایان دوور ده‌خرێنه‌وه، یاخود ده‌گوزرێنه‌وه شوێنێكی دووره ده‌ست، بۆیه ناچار بووین بێینه پێشوازیه‌كه.
هه‌روه‌ها گوتیشی نه‌ك ته‌نها پۆلیس كارمه‌ندی نه‌خۆشخانه‌ی كۆرۆنا كه ئێشكگر بوو ناچار كرابوو بێته پێشوازی لاهور جه‌نگی ئه‌گینا دوور ده‌خرێته‌وه له‌ئه‌ركه‌كه‌ی.
