سیناتی ئەمریکا وەک پشتیوانی بۆ ئۆکراینا بڕیارنامەیەکی لە دژی ڕووسیا بڵاو کردەوە
![](https://xwakurk.com/wp-content/uploads/2022/02/20220218_221136.jpg)
سیناتی ئەمریکا وەک پشتیوانی بۆ ئۆکراینا بڕیارنامەیەکی لە دژی ڕووسیا بڵاو کردەو
هاوکات لە گەڵ قوڵبوونەوەی گرژییەکانی نێوان ڕووسیا و ئۆکراینا و مەترسی هێرشی سەربازی ڕووسیا بۆ سەر ئەو وڵاتە ، سیناتی ئەمریکا بە دەنگی زۆرینەی ڕەها بڕیارنامەیەکی بۆ پشتیوانی سەربەخۆیی ئۆکراینا و مەحکومکردنی هێرش و داگیرکاری رووسیا پەسەند کرد.
ئەو بڕیارەی سینات لە دوای ئەوە هات کە جۆبایدن سەرۆککۆماری ئەمریکا و چەندین بەرپرسی باڵای ئەو وڵاتە ڕایانگەیاند کشانەوەی بەشێک لە هێزەکانی ڕووسیا لە سنوورەکانی ئۆکراینا پیلانێکی مەترسیدارە و تەنها بۆ رووپشکردنی مەترسییەکانە و ئەگەری هێرش هەیە لە چەند ڕۆژی داهاتوودا .
ئاسۆشیتێد پرێس لە مبارەوە ئاماژە بەوە دەکات ، سیناتۆرەکانی ئەمریکی لە ماوەی یەک هەفتەی ڕابردوودا سەرقاڵی ئەوەبوون چۆن بتوانن هەڵوێست و کاردانەوەیەکی تووندیان هەبێت لە دژی داگیرکاری ڕووسیا بۆ سەر ئۆکراینا ، بۆیەش پرۆژە پێشنیارێکیان بۆ سەپاندنی گەمارۆ بە سەر ڕووسیا دا ئاراستەی حکومەتی ئەمریکا کردووە .
سەرچاوە ڕادیۆ فەردا