مانگرتنی گشتی لە ئێران و رۆژهەڵاتی کوردستان دەستی پێکردەوە
ئەمڕۆ شەممە 22/10/2022 مانگرتنی گشتی لە زۆربەری شارەکانی ئێران و تایبەت شارەکانی رۆژهەڵاتی کوردستان دەستی پێکردەوە .
لە دوای یەک مانگ بەردەوامی خۆپیشاندانەکان لە دژی دەسەڵاتی ناوەندیی ئێران ، تادێت خۆپیشاندانەکان بەرفراوانتر دەبێت و هیزەئەمنییەکانی ئێرانیش بەردەوامن لە سەرکوت و کوشتنی خۆپیشاندەران سەرەڕای هۆشداری ناوەند نێونەتەوەییەکانی جیهانی .
ئەمڕۆ لە شارەکانی رۆژهەڵاتی کوردستان وەک بۆکان . مهاباد ، سنە ، سەقز ، جوانڕۆ ، مەریوان ، پیرانشار و شنۆ و چەندین شار و شارۆچکەی تر بە نیشانەی نارەزایەتی دەربڕین دژی حکومەتی ناوەندی ، خەڵک دوکان و بازاڕەکانی داخست.
هاوکات بە پێی هەواڵی تایبەت بە دەزگای میدیایی خواکوڕک ، ریکخستنەکانی ناوخۆیی شارەکانی رۆژهەڵاتی کوردستان بڕیاریان داوە لە کاتژمێر چواری دوانیوەڕۆ ، بڕژێنە سەر شەقامەکان و دروشمی روخانی کۆماری ئیسلامیی ئێران ، شەقامەکان بخەن ژێر کۆنتڕۆڵی خۆیان .
