بهرپرسی لقی 5ی پارتی : له دوای ئهنجامدانی ڕیفترندۆمهوه دهنگهكانی پارتی زیادی كردووه
![](https://xwakurk.com/wp-content/uploads/2018/05/1-2.jpg)
بەرپرسی لقی پارتی لە بەغدا پێی وایە دوای ئەنجامدانی ڕیفڕاندۆمی سەربەخۆیی،ژمارەی دەنگەکانی پارتی لە بەغدا زیاد دهكات.
شوان محەمەد تەھا، بەرپرسی لقی پێنجی پارتی دیموكراتی كوردستان لە بەغدا، ڕایگەیاند: “ڕەوشی پارتی لە ناوچەکانی دەرەوەی ئیدارەی حکوومەتی ھەرێمی کوردستان و بەغدا زۆر بەرەو پێشەوە چووە، چونکە لە دوای ڕیفڕاندۆمی سەربەخۆیی ئەو ڕاستییە بۆ خەڵکی ئەو ناوچانە دەرکەوت، ھەر پارتی دیموکراتی کوردستانە لە خەمی ئەواندایە و بەرگری لە مافەکانیان دەکات، لەبەر ئەوە، لە ھەر ناوچەیەکی داگیرکراو، یان ناوچەکانی دیکەی عێراق پارتی لیستی ھەبێت بۆ ھەڵبژاردن ئەوە لیست و کاندیدانی پارتی دەنگی زیاتر بەدەست دێنن.”
بهرپرسی لقی پێنجی پارتی دیموكراتی كوردستان ڕاشیگهیاند: “ژمارەیەکی بەرچاو کورد لە بەغدا ھەن و بەسەر مەزھەب و لایەنە سیاسییەکانی عێراقدا دابەش بوونە، تا ئێستا زیاتر لە ٤٣ کورد خۆیان لەسەر لیستە جیاجیاکانی عێراق کاندید کردووە بۆ پەرلەمانی عێراق لە سنووری پارێزگای بەغدا. لە ھەڵبژاردنەکانی ساڵی٢٠١٠ و ساڵی ٢٠١٤دا کورد لە بەغدا ھاوپەیمانی ھەبوو، لەگەڵ ئەوەشدا نەیانتوانی ھیچ کورسییەک بەدەست بێنن، بەڵام ئەمساڵ کورد ھیچ ھاوپەیمانییەکی نییە و لەگەڵ لایەنەکانی دیکە بەشداریان کردووە، ئەمساڵ جیاوازییەکی زۆری ھەیە بەراورد بە ھەڵبژاردنەکانی ڕابردوو.”
شوان محەمەد تەھا گوتیشی : “پارتی دیموکراتی کوردستان لە بەغدا بەشداری لە ھاوپەیمانیی سائیلوندا کردووە و کاندیدێکی ھەیە کە ھاوپەیمانییە لەگەل حزبی شیوعی و تەیاری سەدر و تەجەموعی دیموکراتی و ھەشت پارتی سیاسی تێیدا بەشدارن. ئێمە پێشبینی دەکەین کۆرسییەک لە بەغدا بەدەست بێنین و کاندیدی ئێمە سەر بکەوێت، ئێمە وەک ڕێکخستنەکانی پارتی لە بەغدا کار بۆ سەرخستنی کاندیدەکەمان دەکەین و خەریکی کۆکردنەوەی دەنگین.”
پارتی دیموكراتی كوردستان به لیستی 184 له ژێر دروشمی دهستكهوتی زیاتر بۆ كوردستان دهستی به بانگهشهی ههڵبژاردنی پهرلهمانی عێراق كردووه، كه بڕیاره ١٢ی ئەم مانگە بهڕێوه بچێت.