مه‌لا به‌ختیار به‌تووندی هێرش ده‌كاته سه‌ر په‌یه‌ده له رۆژئاوایی كوردستان
له وتارێكی دا له هه‌ژماری تایبه‌تی خۆی مه‌لا به‌ختیار به‌رپرسی ده‌سته‌ی كارگێری مه‌كته‌بی سیاسی یه‌كێتی، كه ئێستا تۆراوه له یه‌كێتی و له‌ماڵه‌وه دانووشتووه، ره‌خنه‌ی تووند له په‌یه‌ده ده‌گرێت، ده‌لێت، په‌یه‌ده ده‌یه‌وێت به‌ته‌نیا حاكمی رۆژئاوایی كوردستان بێت، به‌مه‌ش هۆشداری تووند ده‌دات”.
مه‌لا به‌ختیار هه‌روه‌ها له وتاره‌كه‌ی دا ده‌نووسێـ”دەستمان بەدامێنی مێژووتان، هەڵەكانی رابردوو مەكەنەوە. مەترسی ئاوێتەبوونی ئایدۆلۆژیەت و سیاسەتی ناسیونالیستی سەلەفی “بەعس- داعش” وەكو خۆی لەبەرچاوبگرن، خوانەخواستە ئەمانە سەربكەون، ئەنفالێكی سامناكتر چاوەڕوانمانە، دەپرسم: بەعسی سووریا، دژی عەرەب، چەكی كیمیایی بەكارهێنابێ، كە ئەمه‌ریكا دەكێشتەوەو شەڕ كۆتایی بێت. چی لەرۆژئاوای كوردستان دەكات و هه‌روه‌ها ده‌شنووسێـ”دەبێ پەیەدە، كێشە سیاسییە ناوخۆییەكانی رۆژئاوا چارەسەر بكات‌و لەدانوستانەكاندا، بۆ نووسینەوەی دەستوور و ئاییندەی سوریا، مافی كورد دابین بكات. هەروەها لەكۆبوونەوەی مەكتەبی سیاسیشدا، هەمان بابەتم باسكردو پەسەندیشكرا. لەهاتنی وەفدی رۆژئاواشدا، مەترسییەكانمان لەگەڵ باسكردن‌و وتمان: پەیامی ئێمە ئەوەیە، چارەسەری سیاسی بۆ كێشەی رۆژئاوای كوردستان لەناو سوریادا بدۆزرێتەوە، ئەگینا مەترسی بەڕێوەیە”.
هه‌روه‌ها مه‌لا به‌ختیار ده‌شنووسێـ”هێزە كوردستانییەكان، لایەنیكەمی رێككەوتنی گشتیان لەناو خۆیاندا نییە. مەخابن پەیەدە سوورە لەسەر سیاسەتی حاكمییەتی خۆی و له كۆتایش دا هۆشداری تووند به په‌یه‌ده ده‌دات و ده‌لێت، ئه‌گه‌ر سوپای ئازاد سه‌ركه‌وتوو بێت له سه‌ركوتكردنی گه‌لان و ئه‌نجوومه‌نی ئاسایشی و رووسیاش وه‌كو كاریگه‌رترین هێز له سوریا هه‌ڵوێستی نه‌بێت، ئه‌كاته كۆمه‌ڵكوژی به‌رێوه ده‌بێت بۆ كورد”.
