بارەگای بارزانی سەرەخۆشی لە مامۆستا گۆران و خانەوادەی موقەدەم عەزیز دەكات
بە ناوی خودای گەورە و میهرەبان
بەڕێز مامۆستا گۆران
بە دڵگرانییەكی زۆرەوە هەواڵی كۆچی دوایی كوڕی بەڕێزتانمان پێگەیشت.
بەم بۆنە خەمناكەوە هاوبەشی خەممان بۆ بەڕێزتان و خانەوادەكەتان رادەگەیەنین و سەرەخۆشی ئاڕاستەی ئێوە و خزم و دۆست و ئاشنایانتان دەكەین.
لە خودای گەورە داواكارین ئارامی و دڵنەوایی بە هەموو لایەك ببەخشێت و خوالێخۆشبووی كوڕتان بە بەهەشتی بەرینی خۆی شاد بكات.
اناللە وانا الیە راجعون
بارەگای بارزانی
________
بە ناوی خودای گەورە و میهرەبان
بەڕێز خانەوادەی خوالێخۆشبوو موقەدەم عەزیز حەمەد
بە دڵگرانییەكی زۆرەوە هەواڵی كۆچی دوایی پێشمەرگەی شۆڕشی مەزنی ئەیلوول و گوڵان و كەسایەتیی دیاری دەڤەری پشدەر (موقەدەم عەزیز حەمەد)مان پێگەیشت.
موقەدەم عەزیز حەمەد، پێشمەرگەیەكی بەوەفای میللەتەكەی بووە و هەمیشە بە بوێریی و رۆحی پێشمەرگانەوە لە بەرەكانی جەنگ و بەرگری لە میللەتەكەی بووە.
بەم بۆنە خەمناكەوە هاوبەشی خەممان بۆ خانەوادە تێكۆشەرەكەتان رادەگەیەنین و سەرەخۆشی ئاڕاستەی ئێوە و خزمان و دۆست و هەڤاڵانی خوالێخۆشبوو دەكەین.
لە خودای گەورە داواكارین ئارامی و دڵنەوایی بە هەموو لایەك ببەخشێت خوالێخۆشبوو بە بەهەشتی بەرینی خۆی شاد بكات.
اناللە وانا الیە راجعون.
بارەگای بارزانی
