وەزارەتی ئەوقاف و كارووباری ئاینی: تەنها یەك هەفتە لەبەردەم ئەو كەسانە ماوە كە دەیانەوێت بچنە حەج مامەڵەكانیان تەواو بكەن
![](https://xwakurk.com/wp-content/uploads/2017/02/VHBJN.jpg)
هەر ساڵ لەگەڵ نزیك بوونەوەی فەریزەی حەجكردن, حكوومەت ئامادەكاریەكان بۆ ناردنی حاجیانی كوردستان دەكات, ئەمساڵ بڕیارە چوار هەزار و هەشت سەد و هەشتاكەس بەر بە سعودیەو مالًی خوا بچن, گوتەبێژی وەزارەتی ئەوقاف وكاروباری ئایینی حكومەتی هەرێمی كوردستان دەڵێت، ئەو كەسانەی پارەی حەجی ئەمساڵیان نەداوە، رۆژی سێشەممە 16-4-2019 دوا وادەیە بۆ دانی پارەكە.
نەبەز ئیسماعیل، گوتەبێژی وەزارەتی ئەوقاف و كاروباری ئایینی حكومەتی هەرێمی كوردستان رایگەیاندووە: “لە كۆی 4 هەزار و 880 كەس، بەشێكیان مامەڵەكانیان تەواو نەكردووە. بۆیە رۆژی 16ی نیسانی 2019 دوا وادەیە بۆ دانی 4 هەزار و 200 دۆلاری پارەی حەج. هەركەسێك تاوەكو ئەو بەروارە نەچێت بۆ تەواوكردنی مامەڵەكەی، مافی حەجی دەفەوتێت، چونكە ساڵی داهاتوو تیروپشكی نوێ ئەنجام دەدرێت.”
نەبەز ئیسماعیل گوتیشی: “لە 10ی تەمموزی 2019 دا یەكەم گەشتی حاجیان لە هەرێمی كوردستان بۆ سعودیە ئەنجام دەدرێت.”