لەکاتی هەوڵدان بۆ کوژاندنەوەی ئاگری دەغلودان لە باشیک بەهۆی تەقینەوەی بۆمبێکی چێندراو چوار کارمەندی ئاگرکوژێنەوە بریندار بوون
دوای ئەوەی پاشنیوەڕۆی ئەمڕۆ ئاگر لە دەغڵودانی جووتیارانی گوندەکانی سەر بە شارۆچکەی باشیک بەردرا، تیمەکانی ئاگر کوژێنەوە لە کاتی کوژاندنەوەی ئاگر بۆمبێکی چێندراوی سەردەمی داعشی پێدا تەقیەوە، چەند قوربانیەکی لێکەوتەوە.
بەپێی زانیاریەکانی (خواکوڕک) بۆمبە چێندراوەکە هی سەردەمی ڕێکخراوی تیرۆریستی داعش بووە و بە یەکێک لە ئۆتۆمبێلەکانی ئاگرکوژێنەوەدا تەقیوەتەوە و بەوهۆیەوە چوار کارمەندی ئاگرکوژێنەوەی سەر بە بنکە ئاگرکوژێنەوەی بەردەڕەش بریندار بوونە.
هەروەها خواکوڕک زانیویەتی ئاگرەکە زیاتر لە 100 دۆنم زەوی گرتووەتەوە کە گەنم جۆی 8 گوندی باشیکە.
