ترەمپ : دەستگیرکردنی ١٧ سیخوڕی ئەمریکی لە لایەن ئیتلاعاتی ئێرانەوە درۆیەکی شاخدارە
دۆناڵد ترەمپ سەرۆک کۆماری ئەمریکا ڕایگەیاند هەواڵی دەستگیر کرانی ١٧ سیخوڕی ( سی ئای ئەی ) ئەمریکی لە لایەن ئیتڵاعاتی ئێرانەوە بە هێج شێوەیەک ڕاست نییە .
سەرۆک کۆماری ئەمریکا ئەمڕۆ لە تویتێکدا نووسی ئەم دیعایەی ئێران وەک زۆربەی درۆکانی تری ڕیکلامی ڕەژیمی ئاینی ئێران درۆیەو تەنیا لە بەر ئەوەی شکستەکانی بشارێتەوە درۆ هەڵدەبەستێت ، وەک ئەوەی ئێستاش ڕاستی شاردەوە لە تێک شکاندنی فڕۆکە بێفڕۆکەوانەکەیان لە لایەن هێزەکانی ئەمریکاوە .
لە کۆتایی تویتەکەیدا دەنووسێت ، ئێران بە جارێک شپڕێوی پێوەدیارە و ئابوریەکەی بەرەوە داڕمانی یەکجاری دەچێت ولە داهاتوودا خراپتریش دەبێت .
