سەرۆك وەزیرانی عێراق: رەتی دەكاتەوە لەخاكی عێراق هێڕشكرابێتە سەر كۆمپانیاكانی نەوتی سعودیە
![عادل عەبدولمەهدی](https://xwakurk.com/wp-content/uploads/2019/09/AADILABDULMAHDI.jpg)
دوای ئەوەی حكومەتی سعوودیە رایگەیاند كە لە رێگای فڕۆكەی بێ فڕۆكەوان هێڕشكراوەتە سەركۆمپانیای ئارامكۆ, حوسیەكانی یەمەن بەرپرسیارێتی هێڕشەكەیان گرتە ئەستۆ, دواتریش لە میداكانی ناوخۆ و جیهانی راگەیێندرا كە لە خاكی عێراق هێڕشكراوەتە سەر كۆمپانیاكانی نەوتی سعوودی و لە بەرامبەردا سەرۆك وەزیرانی عێراق هەواڵەكەی رەتدەكاتەوە.
نووسینگەی عادل عەبدولمەهدی، سەرۆك وەزیرانی عێراق لە بەیاننامەیەكدا رایگەیاند: ” عێراق تەئكیدی دەكاتەوە پابەندە بە دەستوور و رێگەگرتن لە بەكارهێنانی خاكەكەی دژی وڵاتانی دراوسێ و براو و هاوڕێی، حكوومەتی عێراق بەتوندی رووبەڕووی ئەوانە دەبێتەوە دەیانەوێت دەستوور پێشێل بكەن بۆیە ئەو هەواڵانە رەتدەكاتەوە كە لە ژمارەیەك میدیای ناوخۆیی و ناوچەیی و جیهانیدا بڵاوكراونەتەوە و باس لەوە دەكەن خاكی عێراق بۆ هێرشكردنە سەر دامەزراوە نەوتییەكانی سعوودییە بەكارهێنراوە”.
لەبەشێكی بەیاننامەكەدا هاتووە:” لە بە دوا داچوونی لێژنەی پەیوەندی و چاودێری زانیاری و پێشهاتەكان, هیچ هێڕشێك لە خاكی عێراق دژ بە هیچ وڵاتێك ئەنجام نەدراوە”.
لەبەشێكی بەیاننامەكەدا هاتووە:” لە بە دوا داچوونی لێژنەی پەیوەندی و چاودێری زانیاری و پێشهاتەكان, هیچ هێڕشێك لە خاكی عێراق دژ بە هیچ وڵاتێك ئەنجام نەدراوە”.
“.ئەو روونكردنەوەیەی عێراق پاش ئەوەهات كە رۆژنامەی وۆڵ ستریت جۆرناڵی ئەمەریكی بڵاویكردەوە، شارەزایانی ئەمەریكی و سعوودیی لێكۆڵینەوە لە هێرشی سەر دامەزراوە نەوتییەكانی كۆمپانیای ئارامكۆ دەكەن و پێیانوایە ئەگەری هەیە مووشەكەكان لە عێراق یان ئێرانەوە ئاراستەی سعوودیە كرابن. ئێرانیش تۆمەتەكانی ئەمەریكا لەسەر تێوەگلانیان رەتدەكاتەوە.