مەزارگەی خەلیفە عومەری کۆڕی عەبدولعەزیز لەلایەن هێزەکانی بەشار ئەسەد سووتێندرا
سایتی زەمان وەسلی ئۆپەزیسیۆنی سوریا گوتی هێزەکانی ئەسەد و میلیشیاکانی ڕۆژی سێ شەممە مەزارگەی خەلیفە عومەری کۆڕی عەبدولعەزیزیان سووتاند کە هەشتەم خەلیفەی بەنی ئومەیە بوو و ناسراوە بە پێنجەم خەلیفەی ڕاشیدین و هەروەها ئاگریان لە گۆڕی هاوسەرەکەی فاتیمە بەن عەبدولمەلیك و گۆڕی نۆکەری مەزارگەکە شـێخ ئەبو زەکەریا بەن یەحیا مەنسوور بەردا.
دوای ئەوەی هێزەکانی ئەسەد کۆنتڕۆلی گوندی دێری ڕۆژهەڵاتیان کرد لە نزیك شاری مەعەرەی نوعمان لە باشووری ڕۆژهەڵاتی ئیدلب میلیشیاکانی هەڵسان بە سووتاندنی 30 خانوو لە نێو گوندەکە و دەرهێنانی لاشەی چەکدارانی ئۆپەزیسیۆن لە نێۆ گۆڕەکان.
سەرچاوە : العربی 21
