ئه‌ندامێكی لێژنه‌ی باڵای رووبه‌ڕوو بوونه‌وه‌ی كۆرۆنا له ئێران تووشی كۆرۆنا بوو
دواه‌ی ئه‌وه‌ی ڤایرۆسی كۆرۆنا به شێوه‌یه‌كی زۆر خێرا بڵاوبووه‌وه تا ئێستا به هه‌زاران كه‌س تووشی كۆرۆنا بوونه‌و و نزیكه‌ی 400 كه‌س گیانی له ده‌ستداوه، حكومه‌تی ئێران ژوورێكی عه‌مه‌لیاتی بۆ رووبه‌روو بوونه‌وه‌ی كۆرۆنا پێكهێنا، ئه‌مڕۆ میدیاكانی ئێران ئاشكرایانكرد كە ئەندامی لیژنەی نیشتمانی بەرەنگاربوونەوەی كۆرۆنایە لەو وڵاتە، تووشی ڤایرۆسەكە بووە.
ئاژانسی ئێرنای ئێرانی ئاشكرای كردووه كه مینو موحرێز پزیشكی تەمەن 74 ساڵەی ئێرانی كە پسپۆڕە لە بواری نەخۆشیە گواستراوەكان تووشی كۆرۆنا بووە. له ئێستادا له یه‌كێك له نه‌خۆشخانه‌كان له ژێر چاودێری دایه.
هه‌روه‌ها ئاژانسی ئێرانا رایگه‌یاندووه كه ئەو پزیشكە سەرۆكی ناوەندی توێژینەوەی ئایدزی ئێرانە و ئەندامی لیژنەی نیشتمانی ئەو وڵاتەیە بۆ بەرەنگاربوونەوەی كۆرۆنا و لە ئێستادا لە نەخۆشخانەیەكی تاران لە ژێر چاودێری پزیشكیدایە.
