سێ توشبووی كۆرۆنا لە کەرکوک چاكبوونەوە
بەرێوەبەرایەتی تەندروستی کەرکوک ئەمڕۆ پێنج شەممە لە راگەیاندراوێکدا ئاشکرای دەکات 3 تووشبوو بە ڤایرۆسی کۆرۆنا بە تەواوی چاک بوونەتەوەو گەڕاونەتەوە سەر ژیانی ئاسایی خۆیان .
بە پێی هەمان ڕاگەیاندراو کە تەیدا باسی ئاماری گشتی تووشبووان بە کۆرۆنا دەکات لە کەرکوک دەنووسێت ،
كۆی گشتی ژمارەی توشبوانی كۆرۆنا لە پارێزگای كەركوك گەیشتە 65 كە 29 كەسیان چاكبوونەتەوە و 2 كەس بەهۆی ڤایرۆسەكەوە گیانیانلەدەستداوە و 34 كەسیش تائێستا لە نەخۆشخانەی تایبەت بە كۆرۆنا لەژێر چاودێری پزیشكیدان و چارەسەریان بۆ دەكرێت ، بەڵام بە گشتی ڕەوشی تەندروستیان روو لە باشییە .
