سەرۆك بارزانی پرسەنامەیەکی بەبۆنەی کۆچی دوایی میر کامیران خێری بەگ بڵاوکردەوە

سه‌رۆك بارزانی له‌ په‌یامێكیدا بۆ كۆچی دوایی میر كامیران خێری به‌گ ، سه‌ره‌خۆشی له‌ میرحازم ته‌حسین به‌گ و خانه‌واده‌ی میرو ئه‌نجومه‌نی روحانی و ته‌واوی خوشك و برایانی ئێزیدی ده‌كات كه‌ ئه‌مه‌ش ده‌قه‌كه‌یه‌تی.

په‌یاما به‌هیداری یا سه‌رۆك بارزانی بۆ كۆچكرنا خودێ ژێ ڕازی (میر كامیران خێری به‌گ(

ب ناڤێ خودێ مه‌زن و دلۆڤان

ب خه‌م و كۆڤانه‌كا زۆر مه‌ خه‌به‌رێ وه‌غه‌را داویێ یا (میر كامیران خێری به‌گ) وه‌كیلێ میرێ ئێزیدیان ژ بۆ كاروبارێن ئایینی بھیست. خودێ ژێ رازی میر كامیران كه‌سایه‌تییه‌كێ كوردپه‌روه‌ر و وه‌لات پارێز و خودان سۆز و به‌ركه‌ڤتیێ ماڵباتا میران و كوردێن ئێزیدی بوو و ژ ده‌ست دانا وی كه‌سه‌ره‌كا مه‌زنه‌.

ب ڤێ هه‌لكه‌فتا خه‌مگین سه‌رساخی و سه‌ره‌خۆشیێ ل میر حازم ته‌حسین به‌گ و مالباتا میری و جڤاتا ڕووحانی و ته‌ڤایا خوشك و برایێت ئێزیدی دكه‌ین. ژ خودێ مه‌زن دخوازم كو سه‌بر و هه‌دارێ بده‌ته‌ كه‌س و كارێن ره‌حمه‌تی و هه‌می كوردێن ئێزیدی و ڕوحا وی شاد بیت و جهێ وی به‌هه‌شتا به‌رین بیت.

مسعود بارزانی

١٦ـی ٦ـی ٢٠٢٠