پەکەکە بە ملهوڕی سەرانە لە هاووڵاتیانی باشووری کوردستان دەستێنێت
![](https://xwakurk.com/wp-content/uploads/2020/10/qalb-98.jpg)
بە پێی ئەو زانیاریانەی دەستی دەزگای میدیایی خواکوڕک کەوتووە هێزەکانی سەر بە پەکەکە لە شارۆچکەی سنووری پێنجوێن دەستیان داوەتە هەوڵێکی نایاسایی داهات بۆ پارتەکەیان .
ئەو هێزانە جیا لەوەی بۆ هۆی بە زۆر ئەساندنی سەرانە و باجی زۆرە ملێ بوونەتە هۆی ئەوەی بە شێکی بەچاو لە کاسبکارانی سەر سنوور واز لە کارەکانیان بێنن ، ئەو جار ناوشارەکانیشیان بە کار هێناوە بۆ باج وەرگرتن لە ریگەی هەڕەشەوە .
هێزەکانی پەکەکە لە دوای ئەوەی نرخیان بۆ جۆری بارەکان دیاری کرد ووە بە پێی پسوولە و جۆری بارەکە لە 25 هەزار دینارەوە بۆ 125 هەزار دینار وەردەگرن بەڵام بەوەش نەوەستاون لە ناو شارۆچکەکەدا بە نهێنی و بە هەڕەشە پارە لە خاوەن دوکان و بازرگانەکان دەستێنن و لە بەرانبەریش وەک ناوی یارمەتی پسولەیەک دەدەنە ئەو کەسانەی پارەیان داوە بەو چەکدارانە .
بە گوێرەی سەرچاوەی زانیارییەکان بازرگانی وا هەیە مانگانە تا 20 ملیۆن دینار دەداتە هێزەکانی پەکەکە ، چونکە هەڕەشەی کوشتنی ماڵ و مناڵەکانی لێدەکەن ئەگەر بێت و سەرپێچی لە پێدانی باج بکات .
هاوکات شایەتحالانی سەر سنووری رۆژهەڵاتی کوردستان باس لە وە دەکەن هێزەکانی پەکەکەو ئێران زۆر شەوان پێکەوە خاڵی پشکنین و سەرانە وەرگرتن دادەنێن و ئێران ڕاستەوخۆ خواردن و کەل و پەلیان بە کۆپتەر بۆ دەگوازێتەوە .