مه‌لا به‌ختيار : كاتی هاتووە په‌كه‌كه‌ بیر لە چۆنێتی چارەسەر كردن بكاتەوە، ئەمەش بە رەچاوكردنی مافە یاساییەكانی هەرێم و دور خستنەوەی مەترسی لەسەر خەڵك و پێشمەرگە دەكرێ‌

مه‌لا به‌ختیار ئەندامی ئەنجومەنی باڵای سیاسی یەكێتیی نیشتمانیی كوردستان له‌باره‌ى هێرشى چه‌كدارى په‌كه‌كه‌ و شه‌هيد كردنى 5 پێشمه‌رگه‌ ده‌لێ :” كاتی هاتووە ( P.K.K ) بە رۆشنی بیر لە چۆنێتی چارەسەر كردن بكاتەوە. ئەمەش بە رەچاوكردنی مافە یاساییەكانی هەرێم و دور خستنەوەی مەترسی لەسەر خەڵك و پێشمەرگە دەكرێ‌. جارێ‌ رێگای دانوستانیش دانەخراوە !

مه‌لا به‌ختیار ئەندامی ئەنجومەنی باڵای سیاسی یەكێتیی نیشتمانیی كوردستان له‌نوسینێكدا کە لە فەیسبووکی خۆی له‌ ژێر ناونيشانى ( شەهید كردنی ( 5 ) پێشمەرگە و چارەسەر !) بڵاویکردوەتەوە نووسيوويه‌تى :”دەمێكە، ناكۆكی و كێشەكان لە دەڤەری كۆنترۆڵكراوی ( P.K.K ) پەنگ دەخوات. بە هۆی بونی گەریلاوە، ناوچەكە دوچاری زیانی زۆر دەبێ‌.