نێچیرڤان بارزانی بەشێک لە پێداویستییەکانی سەنگەر بۆ ھێزی پێشمەرگە دابین دەکات
وەزارەتی پێشمەرگەی ھەرێمی کوردستان ڕایگەیاند، بەشێک لە پێداویستییەکانی ھێزی پێشمەرگەی کوردستان لەلایەن سەرۆکی ھەرێمی کوردستانەوە دابین کراوه.
وەزارەتی پێشمەرگەی ھەرێمی کوردستان ئەمڕۆ یەکشەممە ڕایگەیاند: دوای كۆبوونه‌وه‌ی نێچیرڤان بارزانی سه‌رۆكی هه‌رێمی كوردستان له‌گه‌ڵ وه‌زاره‌تی پێشمه‌رگه و فه‌رمانده سه‌ربازییه‌كان، بڕیاردرا به‌شێك له پێداویستییه‌كانی سه‌نگه‌ر بۆ هێزه‌كانی پێشمه‌رگه دابین بكرێت.
ھەروەھا ڕایگەیاند: به خۆشحاڵییه‌وه له‌ماوه‌ی دوو رۆژی ڕابردوودا توانراوه به‌شێك له‌و پێداویستییانه بگاته ده‌ست پێشمه‌رگه.
وەزارەتەکە ئاماژە بەوەش كرد کە ئێستا له ناو دیوانی وه‌زاره‌ت و باره‌گای لیواكانی پیاده، راهێنان له‌سه‌ر چۆنییه‌تی به‌كارهێنانی به‌شێك له‌و پێداویستییانه ده‌كرێت.
جێی باسه دوای ئه‌وه‌ی له ماوه‌ی ڕابردوودا جموجۆڵ و هێرشه‌كانی تیرۆریستانی داعش بۆ سه‌ر سه‌نگه‌ره‌كانی پێشمه‌رگه زیادی كردبوو و به‌هۆیه‌وه چه‌ند پێشمه‌رگه و هاووڵاتییه‌ك شه‌هید ببوون، نێچیرڤان بارزانی سه‌رۆكی هه‌رێمی كوردستان كۆبوونه‌وه‌یه‌كی له‌گه‌ڵ وه‌زاره‌تی پێشمه‌رگه و فه‌رمانده سه‌ربازییه‌كان ئه‌نجام دا و له‌و كۆبوونه‌وه‌یه‌كدا سه‌رۆكی هه‌رێم بڕیاری دابوو پێداویستی زیاتری سه‌ربازی بۆ هێزی پێشمه‌رگه‌ی كوردستان دابین بكات.
