سۆران: ده‌ستگیركردنی ژماره‌یه‌ك كه‌س له‌سه‌ر به‌كارهێنانى مادده‌ى هۆشبه‌ر راگه‌یێندرا
ده‌ستگیركردنی ژماره‌یه‌ك كه‌س له‌لايه‌ن بنکەى نەهێشتنى ماددە هۆشبەرەکانى سۆران له‌سه‌ر به‌كارهێنانى مادده‌ى هۆشبه‌ر راگه‌یێندرا
له راگه‌یاندراوێكدا بنكه‌ی نه‌هێشتنی مادده هۆشبه‌ره‌كانی سۆران بڵاویكرده‌وه: لە درێژەى کار و چالاکیەکانى بنکەكه‌مان، سەر بە بەڕێوەبەرایەتى نەهێشتنى ماددە هۆشبەرەکان، لە ڕێکەوتى 2021/12/21 دواى چاودێرى و بەدواداچوون هێزەکانمان توانیان 7 کەسى دانیشتووى سۆران و دەوروبەرى لە سەر بەکارهێنانى ماددەى هۆشبەر دەستگیر بکەن.
راشیده‌گه‌یه‌نن له‌گه‌ڵ ده‌ستگیركرانیان توانرا دەست بگیرێت بەسەر بڕى 139 سەد و سى و نۆ گرام ماددەى هۆشبەرى جۆراو جۆر و کەل و پەلی بەکارهێنانى ماددەى هۆشبەر و حەبی بێ هۆشکەر.
