هێرشی پێشمەرگە و سوپای عێراق بۆ سەر داعش دەستی پێكرد
بەرەبەیانی ئەمڕۆ سێشەممە 19ی تەمووزی 2022، هێزەكانی پێشمەرگەی كوردستان و سوپای عێراق، لە ئۆپەراسیۆنێكی هاوبەشدا لە چیای قەرەچووغ، هێرشیان كردە سەر مۆڵگەكانی تیرۆریستانی دەوڵەتی ئیسلامی لە عێراق و شام (داعش).
بەپێی زانیارییەكان، دوایی ئەو زنجیرە كۆبوونەوانەی لە رابردوودا ئەنجام دراوە و دوای دانانی پلانی ئۆپەراسیۆنی هاوبەش، لە كۆتاییدا بەرەبەیانی ئەمڕۆ ئۆپەراسیۆنە هاوبەشە چاوەڕوانكراوەكەی پێشمەرگەی كوردستان و سوپای عێراق بۆ سەر داعش لە چیای قەرەچووغی سنووری شارۆچكەی مەخموور كە لە رووی ئیدارییەوە دەكەوێتە سنووری پارێزگای نەینەوا، دەستی پێكرد.
