بارزان عەلی حەمە: کۆمبارسی خێمەی ئەوان تەنیا لەسەریەتی چەپڵە لێ بدا و بڵێ زۆر باشە
نووسەرێكی خەڵکی سلێمانی سەبارەت بە بەناو مانگرتنەكەی بن خێمەی سلێمانی بابەتێكی لە لاپەڕەی خۆی تۆڕی كۆمەڵایەتیی (فەیسبووك) نووسیوە و لە نووسینەكەیدا ئاماژە بە فەرمانی ئەوانەی پشت خێمەكەی سلێمانی دەكات بۆ ئەوانەی نێو خێمەكە و دەڵێت: هەر کاتێک ئێمە قەراری ئینقیلاب و موزاهەرە و شۆڕشمان دا، دەستبەجێ حازر بە و بە هیچ شێوەیەک نەپرسیت بۆ؟ ئەگەر نەیەیت، خوێڕی و پیاوی دەسەڵاتیت!
بارزان عەلی حەمە، لە بابەتەكەیدا، لەسەر زمانی فەرماندەرانی پشت خێمەكەی سلێمانییەوە نووسیویەتی و دەڵێت: ئێمە مان ئەگرین، تۆ بە هەموو هێزێکتەوە چەپڵە لێ بدە و بڵێ زۆر باشە، کە مانگرتنیش ئەشکێنین، تۆ هەر چەپڵە لێ بدە و هەڵپەڕە و بڵێ زۆر باشە. هەموو شتێک بە دەست خۆمانە، تۆ تەنیا چەپڵە و دروشم و هەیەجان و بارەکەڵات لەسەرە! وەرە ناڕازی بە و مەپرسە بۆچی باشە؟ خۆپیشاندان بکە و ئەو دروشم و جنێوانە بڵێرەوە، کە فێرت ئەکەین، نەڵێی بۆ؟!
ئەو نووسەرە دەشڵێت: ئەوان ئەمەیان ناو ناوە ئازادی! شۆڕش! ڕۆشنبیری! دەوری تۆ تەنیا قەرەباڵەغی و ئیسپات وجوودە، تۆ تەنیا کۆمبارسی خێمە و خێوەتەکانی ئەوانیت!
هەر کاتێک ئێمە قەراری ئینقیلاب و موزاهەرە و شۆڕشمان دا، دەستبەجێ حازر بە و بە هیچ شێوەیەک نەپرسیت بۆ؟ ئەگەر نەیەیت خوێڕی و پیاوی دەسەڵاتیت!
نووسەر دێتە سەر خاڵێكی دیكەی مانگرتن و خۆپیشاندانەكانی لایەن و گرووپەكان لە سلێمانی و دەنووسێ: موزاهەرەی ئیجباری! مانگرتنی ئیجباری! ناڕازیبوونی ئیجباری! چەپڵە و دروشم و جنێوی ئیجباری! تەنیا یەک هەڵبژاردەت ئەخەنە بەر دەست، وەرە خۆپیشاندان بکە، نایکەیت؟ تۆ پاراستنیت! وەرە بۆ خێمەی موغەززی و ڕێجیمەکەی ئێمە، نایەیت؟ تۆ کۆیلە و سەر بە دەسەڵاتیت!
هەر لەسەر زاری فەرماندەرانی پشت خێمەكەوە، دەنووسێ و دەڵێ: لەبەر ئەوەی هیچ دەرفەتێک بە لێکدانەوە و تێڕوانینی خۆت نادرێت، وەرە مان بگرە و موناقەشە مەکە، وەرە خۆپیشاندان بکە و موناقەشە مەکە، وەرە گرد بەرەوە و موناقەشە مەکە. ئەوەی ڕامانگەیاندووە، سەمعەن وە طاعەن بیکە، نایکەیت؟ پاراستنیت!
لەكۆتایی نووسینەكەیدا، بارزانی عەلی حەمە، دەنووسێ و پرسیارێكیشیان رووبەڕوو دەكاتەوە: تۆ سەیری ئەم شەهوەت و شۆڕشە؟ مانگرتن موهیمە و شکاندنیشی هەر موهیمە! موزاهەرە موهیمە و ڕاگرتنیشی موهیمە! خێمە دانان موهیمە و لابردنیشی هەر موهیمە! پرسیارەکە زۆر سادەیە: ئەم ثەورە عەزیمە، کە تاسەیەکی لە سلێمانی پێ پڕ ناکرێتەوە، بۆ ئەتەوێت بیهێنیت بۆ هەولێر؟!
