مه‌لا به‌خیتار: پێشبینی روودانی شه‌ڕی نێوان هه‌ولێر و به‌غدا ده‌كات
به‌رپرسی ده‌سته‌ی كارگێری مه‌كته‌بی سیاسی یه‌كێتی ( مه‌لا به‌ختیار) له هه‌ژماری تایبه‌تی خۆی له تۆڕی كۆمه‌ڵایه‌تی فیسبووك، كورته نووسینێك بڵاو ده‌كاته‌وه له نووسینه‌كه‌دا كه له‌ژێر ناونیشانی” قووڵبوونی کێشەکان و مەترسیی جەنگ” ئاماژەی بەوە کرد کە دۆخی ناوچەکە بەرەبەرە دەکوڵێ و بە دووری نەزانی جەنگێکی گەورە لە ڕۆژهەڵاتی ناوەڕاستدا ڕووبدات”.
مه‌لا به‌ختیار هه‌روه‌ها ده‌شنووسێت، دۆخی ناوچه‌كه به‌ره و به‌ره ده‌كوڵێ و ده‌شلێـ” دوای (7) ساڵ، رۆژهه‌ڵاتی ناوه‌ڕاست، هێشتا له‌ناو شه‌ڕی ناوخۆییدایە، ده‌وڵه‌ته‌كان، لێكترازاون، زلهێزه‌كان ناكۆكن، هێزه سیاسیه‌كان، جیهانبینیی سه‌رده‌مه‌كه‌یان نییه. گه‌لان، خه‌باتی چینایه‌تی و نیشتمانی و سیاسییان تێکەڵ و پێکەڵە.
مه‌لا به‌ختیار له نووسینه‌كه‌ی دا ده‌شلێـ”دۆخه‌كه وا بڕوات، شه‌ڕی ناوخۆیی سووریا، یه‌مه‌ن و لیبیا، ناكۆكیی نێوان ستراتیژی ئێران و رۆژئاوا و ده‌وڵه‌تانی سونیگه‌را، كێشه‌كانی ناو عێراق و عێراق و كوردستان؛ كێشه‌كانی توركیا و سووریا و دابین نه‌كردنی مافه دیموكراسییه‌كانی باكووری كوردستان و چاره‌سه‌رنه‌كردنی كێشه ناوخۆییه‌كانی سه‌راپای توركیا.. هـتد..، جەختیشی لەوە کردووەتەوە کە ئەگەر ئەو کێشانە چاره‌سه‌ری گونجاویان بۆ نه‌دۆزێته‌وه، دەبنە هۆکاری جۆراوجۆر بۆ “جەنگێکی گەورە کە لە ناوچەکە ڕووبدات”.
هه‌روه‌ها ده‌شنووسێـ”ئەمە مه‌ترسییه‌كی گه‌وره‌تره بۆ گه‌لانی ناوچه‌كه و چینه چه‌وساوه‌كان كه چه‌وساندنه‌وه‌ی چینایه‌تی هاڕیونی. جه‌نگیش روبدات، ناوچه‌كه، وه‌كو ڕۆژهه‌ڵاتی ئەورووپای دوای جه‌نگی دووه‌می لێدێ، وێرانیی و برسێتیی و قوربانیی بێشومار”.
