خواكوڕك هه‌وڵێكی گۆڕان بۆ شكه‌ست پێهێنانی هه‌ڵوه‌شاندنه‌وه‌ی خانه‌نشینی پله تایبه‌ت ئاشكرا ده‌كات
به‌گوێره‌ی زانیاریه‌كانی ده‌ستی خواكوڕك كه‌وتووه په‌رله‌مانتاری فراكسیۆنی گۆڕان له‌گه‌ڵ فراكسیۆنی كۆمه‌ڵ و چه‌ند په‌رله‌مانتارێكی یه‌كێتی، له‌سه‌ر چۆنیه‌تی دژایه‌تی كردنی ” پرۆژه‌ی چاكسازی له بواره‌كانی رێكخستنه‌وه‌ی مووچه و خانه‌نشینی پله تایبه‌ت و چه‌ندانی تر” رێكه‌وتوون كه هه‌موویان له‌رێگای راگه‌یاندنه‌كان، ئه‌وه به‌رگوێ خه‌ڵك دابده‌ن، كه چاكسازی له خواره‌وه ناكرێت به‌ڵكو له‌سه‌ره‌وه ده‌كرێت، به‌مه‌ش خه‌ڵك ئاماده بكه‌ن بۆ ئه‌وه‌ی له په‌رله‌مان دژی ئه‌م چاكسازیه، بوه‌ستن و چونكه پێشتر داوای چوار ملیۆنیان كرد، به‌ڵام حكومه‌ت ئاماده نیه ده‌ستكاری بكات، له 2 ملیۆن زیاتر بدات”.
سه‌رچاوه‌یه‌ك به‌خواكوڕكی راگه‌یاند، له‌ئێستادا گۆڕان له‌گه‌ڵ هه‌موو ئه‌و ئه‌ندام په‌رله‌مانتارانه كه دژی چاكسازیه‌كه‌ن، رێكه‌وتووه كه له‌و ماوه‌یه‌دا هه‌ڵمه‌تێكی میدیایی بۆ ده‌ستپێ بكرێت، بۆ ئه‌وه‌ی خه‌ڵك وا لێرابینن، كه رێگری كردن له‌و چاكسازیه بۆ چاكسازیه‌كی باشتره كه له‌سه‌ره‌وه بكرێت، به‌مه‌ش ده‌رفه‌تی هه‌ڵوه‌شاندنه‌وه‌ی پرۆژه‌كه و ده‌نگنه‌دانی ده‌سته‌به‌ر ده‌بێت”.
گۆڕان له‌ئێستادا له‌ناو خه‌ڵك بڵاو ده‌كاته‌وه، كه بۆیه دژی ئه‌و چاكسازیه‌ن، چونكه له خواره‌وه‌یه نه‌ك له‌سه‌ره‌وه، به‌مه‌ش ده‌یانه‌وێت خۆیان له‌و ده‌نگنه‌دانه به چاكسازی بدزنه‌وه و دژی چاكسازیه‌كه بوه‌ستنه‌وه”.
