گوته‌بێژی یه‌كێتی: بڕیاری سڕکردن بۆ ئاڵا تاڵەبانی دەرچووە
ئاڵا تاڵه‌بانی له یه‌كێتی و سروه عه‌بدول واحید له بزوتنه‌وه‌ی گۆڕان دوو په‌رله‌مانتار سه‌ر به دوو حیزب به‌ڵام خاوه‌نی یه‌ك ئایدۆلۆژیاو هاوسۆزی یه‌كترن ، (ئاڵا تاڵه‌بانی و سروه عه‌بدول واحید) بوونه‌ته موخۆركه بۆ حیزبه‌كانیان و ده‌رده سه‌ری و خیانه‌ت دژی به خه‌ڵك و خاكی كوردستان، له چوار ساڵی ڕابردوو هه‌ردوو په‌رله‌مانتار هه‌موو هه‌وڵێكی خۆیان خسته‌گه‌ڕ بۆ دژایه‌تی كردنی ماف و به‌های نه‌ته‌وایه‌تیه‌كانی گه‌لی كوردستان .
شه‌ممه‌ی ڕابردوو جڤاتی نیشتیمانی بزوتنه‌وه‌ی گۆڕان كۆبویه‌وه و یه‌كێك له خاڵه‌كانی تاوتوێكردنی پرسی (سروه عه‌بدول واحید) هه‌ڵسوراو سه‌رۆكی پێشوی فراكسیۆنی گۆران له ئه‌نجومه‌نی نوێنه‌رانی عێراق بوو ،به‌ڵام هیچ بڕیاریك له‌باره‌یه‌وه نه‌دراوه و كۆبونه‌وه‌كه‌ش دواخرا بۆ كاتێكی نادیار .
هه‌رچی ( ئاڵا تاڵه‌بانی ) یه یه‌كێتی چونكه فره كوێخایه و به‌ده‌ست هه‌ندێك هه‌رزه‌كاره‌وه داری به‌سه‌ر به‌ردییه‌وه نه‌ماوه نازانێت چۆن و چی بڕیارێك له باره‌یه‌وه ده‌ربكات ، یه‌كێتی هه‌رجاره‌و شتێك به لایه‌نگرانی خۆی ده‌لێت :جارێك سركردن و جارێك ئاگاداركردنه‌وه‌و جارێكیش ده‌ركردن له ڕیزه‌كانیان .
سەعدی ئەحمەد پیرە، گوتەبێژی فەرمیی یەکێتیی نیشتمانیی کوردستان، ڕایگەیاند: ”بڕیاری سڕکردن بۆ ئاڵا تاڵەبانی دەرچووە و فەرمانەکەشی بۆ نێردراوە، بەڵام ئەندامی سەرکردایەتی دەرناکرێ، چونکە کۆنگرە بڕیاری ئەوە دەدات بڕیاری سڕکردنەکەی تاکوو کەی بەردەوام بێت”.
سه‌باره‌ت به ورده‌كاری و چۆنیه‌تی بڕیاره‌كه گوته‌بێژی یه‌كێتی نیشتیمانی كوردستان ده‌لێت :” ئاگاداری وردەکاریی سڕکردنەکەی ئاڵا تاڵەبانی نیم، چونکە ئەوە ئیشی مەکتەبی ڕێکخستنە و ئەوان دەتوانن بڕیارەکە جێبەجێ بکەن”.
