بۆ ئەوەی لە گێژی بەدوور بیت لە رەمەزاندا پەیڕەوی ئەم خاڵانە بکە
لەدوای بەربانگ، ھەندێک لە رۆژووگران تووشی گێژبوون و شەکەتی دەبن، بەھۆی گۆڕانکاری لە سیستمی خۆراکیاندا، پێگەی ” hiamag” بۆ ھاوکاریکردنی رۆژووگران باس لە چەند رێنماییەک دەکات.
بۆ ئەوەی گێژنەبیت و ھاوشێوەی رۆژانی ئاسایی بیت، ئەم رێنماییانە پەیڕەوبکە:
١-بایەخ بە خواردنی خورما بدە، لەکاتی رۆژوو شکاندن.
٢-کاتێک پارچەیەکت شیرینی دەخۆیت، ئاو بخۆرەوە بەدوایدا، بۆ ئەوەی جێگای کەمی شلەمەنی بگرێتەوە لە لەشدا.
٣-دوای رۆژوو شکاندن، بە زەڵاتە یان شۆربا دەستپێبکە، پاشان دوای نیو کاتژمێر ژەمی سەرەکی بخۆ.
٤-ھەوڵبدە ژەمی سەرەکیت پێکھاتبێت لە پرۆتین و ریشاڵی و نیشاستەکان.
٥-راستەوخۆ دوای ژەمی ئێوارە مەخەوە.
٦-دوو کاتژمێر دوای نان خواردن، وەرزش بکە.
٧-لەدوای ژەمی ئێوارە راستەوخۆ شیرینی مەخۆ.
٨-پاش یەک کاتژمێر لە نان خواردن، ئینجا خواردنەوە کافاینەکان بخۆ، وەک چا و قاوە.
٩-ھەوڵبدە رۆژانە خواردنەکانت بگۆڕە، پێویستە جۆراوجۆر بێت.
