گروپی خیانه‌تی 16ی ئۆكتۆبه‌ر دانووستاندنه‌كانی پارتی و یه‌كێتیان راگرت
به‌گوێره‌ی زانیاریه‌كانی ده‌ستی خواكوڕك كه‌وتووه، گروپی خیانه‌تی 16ی ئۆكتۆبه‌ر بوونه‌ته هۆكاری كێشه‌نانه‌وه بۆ دانووستاندنه‌كانی پارتی و یه‌كێتی و سه‌رچاوه‌یه‌كی یه‌كێتیش ده‌لێـ”گرووپی 16ـی ئۆکتۆبەر کێشە بۆ گفتوگۆکانی پارتی دیموکراتی کوردستان و حزبەکەی، دروست دەکات”.
شوان محه‌مه‌د ته‌ها به‌رپرسی لقی 5ی پارتی دیموكراتی كوردستان به رۆژنامه‌ی حه‌یاتی له‌نده‌نی راگه‌یاندووه”لێکتێگەیشتنی باش لەنێوان پارتی و یەکێتی بۆ ئەوەی بە پرۆژەیەکی ھاوبەش بەشداری لە گفتوگۆکانی پێکھێنانی حکومەتی نوێی عێراق بکەن، هەیە، به‌ڵام سه‌رچاوه‌كه‌ی ناو یه‌كێتی له‌به‌ر هه‌ستیاری بابه‌ته‌كه رایگه‌یاندوو “گروپەکەی خیانەتی 16ـی ئۆکتۆبەر گوشاریان خستۆتە سەر ژمارەیەک ئەندامی مەکتەبی سیاسییی یەکێتی و هەوڵ دەدەن لەڕێی چەند لایەنێکی عێراقیشەوە، کێشە بۆ شاندی هاوبەشی پارتی و یەکێتی، لە بەغدا، دروست بکەن.
مه‌رجه‌كانی گروپه خائینه‌كه ئاشكرا ده‌بێت، سه‌رچاوه‌كه ده‌لێـ”گرووپە خیانەتکارەکە داوا دەکەن بە مەرجی وەرگرتنەوەی پۆستی سەرۆک کۆماری عێراق لەلایەن یەکێتییەوە، بە یەک شاند لەگەڵ پارتی بچنەوە بەغدا.
