C.I.A نهێنی كوشتنی خاشوقچی ئاشكرا ده‌كات
ئاژانسی هه‌واڵی رۆیته‌ر بڵاویكرده‌وه، ئیداره‌ی دۆناڵد تره‌مپ، سه‌رۆكی ئه‌مه‌ریكا، له ماوه‌ی دوو هه‌فته‌دا ته‌واوی ورده‌كاریی و نهێنییه‌كانی كوشتنی جه‌مال خاشقوچی، راده‌ستی كۆنگرێس ده‌كات.
به گوێره‌ی زانیارییه‌كان ، ئیداره‌ی تره‌مپ كۆبوونه‌وه‌یه‌كی فراوان له‌گه‌ڵ ته‌واوی ئه‌ندامانی ئه‌نجوومه‌نی نوێنه‌رانی ئه‌مه‌ریكا ساز ده‌كات و په‌یوه‌ندییه‌كانی نێوان ئه‌مه‌ریكا و سعوودیه روونده‌كاته‌وه و جینا هاسپیڵ، به‌ڕێوه‌به‌ری ئاژانسی هه‌واڵگری ناوه‌ندی ئه‌مه‌ریكا (سی ئای ئه‌ی)، به هه‌مان شێوه له‌گه‌ڵ ئه‌نجوومه‌نی نوێنه‌ران كۆده‌بێته‌وه و هه‌رچی ورده‌كاریی كوشتنی خاشوقچییه له‌لایه‌ن هه‌یه، ده‌یخه‌نه‌ڕوو.
جینا هاسپیڵ، به‌ڕێوه‌به‌ری ئاژانسی هه‌واڵگری ناوه‌ندی ئه‌مه‌ریكا (سی ئای ئه‌ی) له‌گه‌ڵ چه‌ند گه‌وره سیناتۆرێك باسی ورده‌كارییه‌كانی كوشتنی خاشوقچی و تێوه‌گلانی محه‌مه‌د بن سه‌لمان، شازاده‌ی جێنشینی له كه‌یسه‌كه باسكردووه، به‌ڵام بڕیاره له ماوه‌ی دوو هه‌فته‌دا هه‌موو ورده‌كارییه‌كان بداته ئه‌نجوومه‌نی نوێنه‌رانیش.
جه‌مال خاشقوچی، رۆژنامه‌وانی نه‌یاری سیاسه‌ته‌كانی سعوودیه، رۆژی ۲ی ئۆكتۆبه‌ری رابردوو له ناو كۆنسوڵخانه‌ی وڵاته‌كه‌ی له ئیستانبول كوژرا.
