پەیامێكی تر لەسەرۆكایەتی هەرێمی كوردستانەوە لەبارەی باكوری كوردستان و توركیا
خواكوڕك
لە پەیامێكدا ئەمرۆ 4ی 11ی 2016 بڵاو كراوەتەوە سەرۆكایەتی هەرێمی كوردستان رایدەگەێنێت، پەلامار و تەقینەوە و توندوتیژی كردەی ناڕەوان و بە هیچ جۆرێك گرفتە سیاسییەكان چارەسەر ناكات. لە هەمانكاتیشدا خزمەت بە دۆزی ڕەوای كورد و ئاشتی و پێكەوەژیان ناكات و ئاڵۆزی و گرفتی زیاتری لێ دەكەوێتەوە.
دەقی پەیامەكە
سەرۆكایەتیی هەرێمی كوردستان تەقینەوەكەی شاری ئامەد ئیدانه دەكات
بەرەبەیانیی ڕۆژی هەینی 4ـی 11ـی 2016 لە ئەنجامی تەقینەوەیەك لە شاری ئامەد ژمارەیەك هاووڵاتی گیانیان لە دەست دا و ژمارەیەكی تریش بریندار بوون. وێڕای ئەوەی ئیدانەی ئەو كردەوەیە دەكەین، سەرەخۆشی لە قوربانیانی ئەو ڕووداوە دەكەین و هیوای چاكبوونەوەیش بۆ برینداران دەخوازین.
ڕاشیدەگەیێنین كە پەلامار و تەقینەوە و توندوتیژی كردەی ناڕەوان و بە هیچ جۆرێك گرفتە سیاسییەكان چارەسەر ناكات. لە هەمانكاتیشدا خزمەت بە دۆزی ڕەوای كورد و ئاشتی و پێكەوەژیان ناكات و ئاڵۆزی و گرفتی زیاتری لێ دەكەوێتەوە.
سەرۆكایەتیی هەرێمی كوردستان
4ـی 11ـی 2016
