بەبۆنەی جەژنی نەورۆز وەزارەتی ناوخۆی حكومەتی هەرێم چەند بڕیارێك دەدات
لەگەڵ نزیك بوونەوەی جەژنی نەورۆز, وەزارەتی ناوخۆی حكومەتی هەرێمی كوردستان چەند بڕیارێك دەردەكات و بەرپرسی پەیوەندییەكانی حكوومەتی هەرێمی كوردستان و كۆماری ئیسلامیی ئێران ئاشكرای كرد كە وەزارەتی ناوخۆ بە بۆنەی جەژنی نەورۆز، بڕیارێكی بۆ گەشتیارانی ئێران دەركردووە.
عەبدوڵا ئاكرەیی، بەپرسی پەیوەندییەكانی حكوومەتی ھەرێمی كوردستان و كۆماری ئیسلامیی ئێران ڕایگەیاند، بە بۆنەی جەژنی نەورۆز، لە ١٥ی مانگەوە تاوەكوو ٢٥ی ئاداری ٢٠١٩، ئەو هاووڵاتییانەی لە ئێرانەوە دێنە هەرێمی كوردستان، ”باج و ڕسووماتیان لێ وەرناگیرێت“.
ئەوەشی روون كردەوە كە ساڵی ڕابردووش هەمان كاریان كردووە و ئامانجیشیان ئەوەیە، خەڵكی نێو جوگرافیای دەوڵەتی ئێران، سەردانی هەرێمی كوردستان بكەن.
دووپاتیشی كردەوە كە دوێنێ سێشەممە ١٢ی ئاداری ٢٠١٩، كەریم شنگالی، وەزیری ناوخۆی حكوومەتی هەرێمی كوردستان، ئەو بڕیارەی دەركردووە.
