لێپرسراوێکی ئێران : تاران بەرپرسە لە ئاسایشی کەنداو، پێویستە ئەمریکا بڕوات
لێپرسراوێکی باڵای ئێرانی داوای لە هێزەکانی ئەمریکا کرد ئەوەی بوونیان هەیە لە کەنداو بڕۆن و ناوچەکە چۆڵ بکەن و پێی وایە کە تاران بەرپرسە لە ئاسایشی کەنداو
ماوەیەکە ناوچە کەنداو جموجۆڵی ترسناکی لەسەر ئاستی هەرێمی یان نێودەوڵەتی بەخۆیەوە بینی لەلایەك مانۆڕی فڕۆکە جەنگیەکانی ئەمریکا و لە لایەکی دیکە کەشتیە جەنگیەکانی وەك ئەبراهام لینکۆڵن لە کەنداو بوونیان هەیە جگە لە بۆمب هاوێژ و ڕۆکێتی باتریۆت
ئێران توومەتبارە بە تەقاندنەوەی کشتیە نەوت هەڵگرەکان و هەڕەشەکردن بە داخستنی گەڕوی هورمز و هێرشی فڕۆکە بێ فڕۆکەوانەکانی حوسیەکان بۆ سەر سعودیە کە ئێران پاڵپشتیان دەکات بەڵام تاران ئەو توومەتانەی ڕەتکردەوە
