مەسرور بارزانی پەیامێک ئاراستەی ئێزیدییەکان دەکات
بەبۆنەی هاتنەوەی جەژنی چلێ هاڤینێ ئێزیدییەکان سەرۆکی حکومەتی ھەرێمی کوردستان، پەیامێكی پیرۆزبایی ئاراستەی ئێزیدییەكانی كوردستان و جیهان كرد.
لە پەیامەكەی مەسرور بارزانی سەرۆکی حکومەتی ھەرێمی کوردستاندا هاتووە “بە بۆنەی هاتنەوەی جەژنی چلێ هاڤینێ، پیرۆزباییەکی گەرم لە خوشك و برا ئێزیدییەكانی كوردستان و جیهان دەكەم. هیوادارم لە كەشێكی ئارام و بەختەوەردا ئەم جەژنە بەسەر بەرن”.
هەروەها سەرۆکی حکومەتی هەرێم لە پەیامەكەیدا دەڵێ “دڵنیاتان دەکەینەوە کە حکومەتی ھەرێمی کوردستان ھەرچی لە توانایدا بێت دەخاتە گەڕ لە پێناو خزمەتکردنی زياترى خوشک و برا ئێزیدییەکانمان و کەمکردنەوەی ئازار و مەینەتیەکانیان و ھەوڵدان بۆ گەرانەوەی ھەرچی زووتری برا ئێزیدییە ئاوارەکانمان بۆ دەڤەرەکانیان لە سنووری شنگال و بەھزان، ھەروەھا بەدواداچوون بۆ زانینی چارەنووسی ھەموو قوربانیانی دەستی تیرۆریستان”.
