خواكوڕك زانیاریەك لەبارەی نەوتی كوردستان و دانووستاندنەكان ئاشكرا دەكات
ئەندام پەرلەمانێكی كورد لە بەغدا بەهۆی هەستیاری بابەتەكە، نەیویست ناوی ئاشكرا بكرێت دەلێت لەكاتی دانووستاندندا ئەندامێكی دانووستاندن گوتوویانە كە دەبێت هەرێمی نەوت رادەست بكات، بەڵام شاندی دانووستانكاری كوردستان بە شاندی عێراقیان گوتووە، ئەم قسەیە هاوشێوەی لێدوانی سەر میدیاكانە، ئێمە قبوڵی ناكەین، رادەستكردنی نەوت بە سۆمۆ بابەتێك نیە تەنها لە قسەیەكدا بكرێت وەك میدیا گوماناویەكان دەیكەن، هیوادارین ئەو ئەدەبیاتە دوور بخەنەوە لە دانووستاندندا”.
ئەو ئەندام پەرلەمانتارە كوردە هەروەها ئاشكراشی كرد، شاندی دانووستانكاری كوردستان گوتوویەتی ئەو بابەتە بەزمانێكی میدیای گوماناوی ناخرێتە سەر مێزی گفتوگۆ، چونكە هاوشێوەی ئەم ئەدەبیاتە لەلای ئێمەش هەیە وەرن با لە ساڵی 2014وە تەسفیە حیسابی پارەی نەوتی فرۆشراو و برینی بودجەی كوردستان بكەین، ئێوە بودجەی براوی كوردستان لە ساڵی 2014وە تاوەكو ئێستا بە رێژەی سەدا 17 بنێرن بۆ كوردستان تەواوی پارەی فرۆشراوی نەوتی كوردستانیش لە پارەی هەناردەكراوی بودجەی سەدا حەڤدەكە، ئێمەش پارەی كۆی نەوتی فرۆشراو رادەستی بەغدا دەكەین و دوای دوو تیمی هونەر و سیاسی رادەسپێرین بۆ جێبەجێ كردنی یاسایەك كە لە قازانجی كۆی گەلانی عێراق بێت لەو كاتەدا ئێمەش پابەندی یاساكە دەبین.
هەروەها داوی ئەوە شاندنی دانووستانكاری عێراق بە تەواوی داوایی لێبوردنیان كرووە لە بەكار هێنانی نا دیبلۆماسیانەی ئەو ئەندامەی شاندی دانووستانی عێراقی”.
هەروەها شارەزایانی بواری نەوت پێیان وایە، ناكرێت شاندی دانووستانكار لەسەر بنەمای ئەدەبیاتی میدیایی گوماناوی لە هەرێمی كوردستان و عێراق بچێتە دانووستاندن، كێشەی هەرێمی كوردستان و بەغدا كێشەی كابینەیەك نیە، وە تەنها كێشەی نەوت و عقودەكانی نەوتیش نیە، بەڵكو كێشەی كوردستان لە گەڵ بەغدا، كێشەیەكی قوڵترە، كە لە رەهەندی نیشتمانی و نەتەوەی و سیاسی و ئابوری خۆی دەبینێتەوە، كە دەبێت هێزەكانی بەغدا ئەو بیركردنەوەیە بگۆڕن كە بە چاوی داگیركراو سەیری كوردستان بكەن”.
بەگوێرەی زانیاریەكانی خواكوڕك رادەستكردنی نەوت بە بەغدا تەنها ئەو میدیایانە دەی ورژێنن كە تاوەكو ئێستا بۆ شەری سیاسی بەكار دەهێنرێن واتا میدیایەكی گوماناوی و مخابەراتین، بۆیە بابەتی نەوت بابەتێكی تەكنیكی و سیاسیە، پەیوەندی هەیە بە نەبوونی یاسایەكی روونی ( نەوت و غاز) لە عێراق.
كێشەی بەغدا و هەولێریش تەنها كێشەی نەوت نیە، وەك چاودێرانی سیاسی و شارەزایانی بواری نەوت باسی دەكەن و دەلێن، كێشەی هەولێر و بەغدا رەهەندی نیشتمانی و نەتەوەی و سیاسی و ئابووری و یاسایی هەیە، كە دەبێت حكومەتی عێراق و هەموو هێزەكانی عێراق لە روانگەی شەراكەتی راستەقینە و هاوسەنگی دا مامەڵە لەگەڵ هەرێم بكات”.
