مەسرور بارزانی بۆ نوێنەری تایبەتی سکرتێری گشتی نەتەوە یەکگرتووەکان دەمانەوێت لەگەڵ بەغدا لە ڕێککەوتنێک مافە دەستوریەکانمان پارێزراو بێت
![](https://xwakurk.com/wp-content/uploads/2019/09/20190909_145344.jpg)
دوای ئەوەی ئەمڕۆ نوێنەری تایبەتی سکرتێری گشتی نەتەوە یەکگرتووەکان لە عێراق سەردانی هەولێری پایتەختی کرد و لەگەڵ مەسرور بارزانی سەرۆکی حکومەتی هەرێمی کوردستان کۆبوویەوە، چهند پرسێكی گرنگیان تاوتوێ كردووه.
لە کۆبوونەوەکە سەرۆکی حکومەتی هەرێمی کوردستان، ڕایگەیاند: گفتوگۆکانمان لەگەڵ بەغدا بەردەوامن و ئامانجی سەرەکیمان ئەوەیە بگەینە رێککەوتن کە مافە دەستوریەکانمان پارێزراوبێت، هەروەها تیشکی خستە سەر پەیوەندییەکانی نێوان هەرێمی کوردستان و حکومەتی فیدراڵی عێراق.
مەسرور بارزانی سەرۆکی حکومەتی هەرێمی کوردستان ڕاشیگەیاندوە: هەرێمی کوردستان وەک پەناگەیەکی ئارام ، بەردەوام پێشوازی لە ئاوارە و پەنابەران کردووە و هاوکاری پێویستی پێشکەش کردوون، سەرە ڕای ئەوەی کە دۆخی دارایی هەرێم خراپ بوو.
لە بارەی دۆخی کەرکووکیش هەردوولا هاوڕابوون لە سەر گرنگی جێبەجێکردنی ماددەی 140ـی دەستوور و ئاساییکردنەوەی باردۆخی دەڤەرەکە.