دووه‌م رۆژی فیستیڤالی نێوده‌ولتی فیلم له دهۆك به‌ڕێوه‌چوو
دوای ئه‌وه‌ی دوێنێ فیستیڤالی نێوده‌وله‌تی فیلمی دهۆك به‌ڕێوه‌چوو ئه‌مڕۆ رۆژی دووه‌می فیستیڤاله‌كه به‌ڕێوه‌ده‌چێت و پێشوازی له ئه‌كته‌ران و هونه‌رمندان كرا، به‌سه‌ر فه‌رشی سوردا چونه‌وه هۆلی فیستیڤاله‌كه.
به پێی زانیاریه‌كانی ده‌زگای میدیایی خواكوڕك ئه‌مڕۆ ژماره‌یه‌ك چاڵاكی دیكه‌ی له فیستیڤالی نێو ده‌وله‌تی به‌ڕێوه ده‌چێت جگه له نیشاندانی چه‌ندین پارچه فیلمی ناوخۆی و بیانی فیلمه‌كان ده‌خرێنه كێبڕكێوه بۆ هه‌لبژاردنی باشترین كورته فیلمی ئه‌مساڵی فیستیڤالی نێوده‌له‌تی فیلمی دهۆك .
ئه‌مسال حه‌وته‌مین فیستڤالی نێوده‌وله‌تی بۆ فلیم له دهۆك به‌ڕێوه ده‌چێت و ئه‌مڕۆ دووه‌م رۆژی به‌ڕێوه‌چوونی فیستیڤاله‌كه كه ژماره‌یه‌كی هێجگار زۆر میوان و سینه‌ماكار و فیلم ساز له‌و فیستیڤاله له ناوه‌خۆو ده‌ره‌وه‌ی كوردستان به‌شداری فیستیڤاله‌كه‌یانكرد.
هه‌ر له‌و باره‌یه‌ه بەنگین عەلى جێگرى بەڕێوەبەرى فێستیڤاڵى فیلمى نێودەوڵەتى دهۆک رایده‌گه‌یێنێت “ساڵانە ژمارەیەکى زۆر کە نزیک دەبێتە لە دوو هەزار فیلم بەشداریان پێ دەکرێت، دواتر بەگوێرەى بڕیارەکانى فێستیڤاڵ فیلمەکان دەستنیشان دەکرێن بۆ نمایشکردن لە ٧٤ وڵاتەوە فیلم هاتووە لە وڵاتانى ئەورووپا و رۆژهەڵاتى ناوەڕاست لە نزیکەى دوو هەزار فیلم تەنها ١١٢ فیلم هەڵبژێردراوە بۆ پێشبڕکێ بە دەستهێنانى ناسناوى فێستیڤاڵى فیلمى نێودەوڵەتى دهۆک، هەڵبژاردنى فیلمەکەش لە رێگەى لێژنەیەکى پسپۆڕ دەبێت کە بڕیارە ١٦ ئەم مانگە دەستنیشان بکرێت”.
بەنگین عەلى ئاماژەى بەوەدا کە ٤٤ فیلمى کوردى و ٢٠ فیلمى عەرەبى لە پێشبڕکێدان بۆ بەدەستهێنانى خەڵات و ناسناوى فێستیڤاڵى فیلمى نێودەوڵەتى دهۆک.
