بەرپرسێكی موسڵ: حەشدی شەعبی لە موسڵ دەردەكرێت و هێزێكی هاوبەش ناوچەكە دەپارێزن
دوای ئەوەی بەهۆی خیانەتی 16أی ئۆكتۆبەر ی یەكێـتی كەركووك و ناوچە كوردستانیەكانی دیكەی دەرەوەی ئیدارەی هەرێمی كوردستان لە لایەن سوپای پاسداران و حەشدی شەعبی داگیركرا, حەشدی شەعبی چەند ناوچەیەكی سونە نشینی لە سنوری موسل و دەشتی نەینەوا داگیركرد, لە ئێستادا ئەو ناوچانە رووبەرووی ستەمی تائیفی حەشد بوونەتەوە بەر پرسێكی كوردیش ئاشكرای دەكات هەوڵ هەیە كە هێزێ:ی هاوبەش پێكبهێندرێت بۆر ێگری كردن لە پێشێلكاریەكانی حەشدی شەعبی لەو ناوچە.
شیلان باجەلان، كارگێڕی لقی ١٤ی مووسڵ، بە ماڵپەڕی فەرمیی پارتی ڕاگەیاندووە: ئەگەر چی سەرۆك وەزیرانی عێراق فەرمانی كردووە كە لیوای 30ـی حەشدی شەعبی كە سەرچاوەی نائارامی و پێشێلكاریەكانی مافی تائیفەكانی دیكەی و مافی مرۆڤیشە لە موسڵ بكشێتەوە, بەڵام تا ئێستا نەكشاونەتەوە تەنانەت حەشدی شەعبی ھاووڵاتیانی ناوچەكەی بۆ خۆپێشاندان دژی بڕیارەكەی سەرۆكوەزیرانی عێراق بەكار ھێنا و، ھەتا ھەڕەشەی لە گوندەكانی سنوورەكە كردووە ھەر گوندێك ١٠٠ كەس بنێرن بۆ خۆپێشاندان.”
ئەو بەرپرسەی پارتی گوتیشی: ” لە ئێستادا هەوڵهەیە كە هێ.ێ:ی هاوبەشی پۆلیس و سوپای عێراق چەند هێزێكی دیكەی ئەمنی لە ناوچەكە مەلەفی ئەمنی بگرنە دەست لە بری ئەو هێزەی حەشدی شەعبی كە پێشتر رێگای موسل و هەولێریان گرت و هەروەها بوونەتە سەرچاوەی نائارامی و پێشێلكاری گەورەیان ئەنجامداوە”.
شیلان باجەلان ئاماژەی بۆ ئەوە كرد: ” سەرۆك وەزیرانی عێرا ق بە هۆی بوونی بەلگەی پێشێلكاری كە لە لایەن ئەو گرووپەی میلیشاكانی حەشد ئەنجامدراوە هەروەها بەهۆی وەرگرتنی سەرانە لە هاوڵاتیانی ناوچەكە, بڕیاری دەركردی ئەو لیوایەی حەشدی دەركردووە بەڵام تا ئێستا لە شوێنی خۆیان ماونەتەوە, بە دڵنیایشەوە بە مانەوەیان پێشێلكاری لە ناوچەكە بەردەوام دەبێت”.
