خۆپیشاندەرانی عێراق بارەگایەكی وەقفی شیعەیان سوتاند
لە درێژەی خۆپیشاندانەكانی عێراق, كە بە هۆیەوە سەدان كەس كوژراون و بە هەزارانی دیكەش بریندار بون, خۆپیشاندەران دەیان بارەگای حزبیان سوتاند, بۆ جاری یەكەم بارەگایەكی وەقفی شیعی سوتێندرا.
میدیاكانی عێراق بڵاویانكردۆتەوە كە لە پارێزگای زیقار خۆپیشاندەرانی توڕە بارەگای وەقفی شیعی-یان سوتاندوە، لەشاری ناسڕیەی پارێزگاكەش بەهۆی تەقەی هێزە ئەمنیەكانەوە سێ خۆپیشاندەر كوژراون، زیاتر لە 50 كەسی تریش برینداربون.
هەروەها میدیاكان بڵاویانكردۆتەوە بەهۆی توندوتیژیەكانی ماوەی 24 كاتژمێری رابردوی عیراق ژمارەیەك خۆپیشاندەری دیكە كوژران و دەیانی تر برینداربوون، لەپارێزگای زیقاریش وەقفی شیعی سوتێنرا.
