تەرمی گەشیارانی فڕۆکە تێکشکێندراوەکەی ئوکراینا بە دەستی ئێران ، گەڕێندرانەوە وڵاتەکەیان

تەرمی هەموو ئەو گەشتیارە ئۆکراینانەی لە رووداوی تێکشاندنی بۆئینگی 752  بە مووشەکی ئێران گیانیان لە دەست دابوو، ئەوڕۆ یەکشەممە گەڕێندرانەوە فڕۆکەخانەی ( کییڤ ) .

لە کاتی گەیشتنەوەیاندا بۆ خاکی وڵاتەکەیان لە مەراسیمێکی تایبەتدا لە لایەن بەرپرسانی باڵای ئەو وڵاتەو کارمەندانی فڕۆکەوانی ئۆکراینا پێشوازییان لێ کرا .

ڤلۆدمیز زلنسکی ، سەرۆک کۆمار، ئۆلێکسی هوونجارۆک ، سەرۆک وەزیران و بەشێکی زۆری تر لە بەرپرسانی باڵا لەو مەراسیمەدا بەشدار بوون .

ئامادەبووان لەو مەراسیمەدا بە چاوی پڕگریانەوە تەرمی ئازیزانی هاووڵاتی خۆیان دەگوازتەوەو لە هەمانکاتدا وەک رێزێک بۆ هەموو قوربانیان،  ئاڵای وڵاتی ئۆکراینا ، کەنەدا ، سوید ، ئەفغانستان، ئێران ، ئاڵمانیا و بەریتانیایان بەرز کردبۆوە و بە دەستی سەربازانی ئامادە بوو لەو مەراسیمەوە دەشەکانەوە