ئەمەریكا هەڕەشە لە جێگرەوەكەی قاسم سلێمانیش دەكات
ئەمەریكا بۆ یەكەم جار لە دوای كوشتنی قاسم سلێمانی فەرماندەی فەیلەقی قودسی سوپای پاسداران، هەڕەشە لە جێگرەوەكەی دەكات و پێی دەڵێ، ئەگەر لەسەر هەمان سیاسەتی سلێمانی بەردەوام بی، بە هەمان چارەنووسی ئەو دەتبەین.
براین هوك، نێرده‌ی تایبه‌تی ئه‌مریكا بۆ كاروباری ئێران ده‌ڵێت: به‌ئامانج گرتنی قاسم سوله‌یمانی، فه‌رمانده‌ی فه‌یله‌قی قودسی سه‌ر به‌سوپای پاسداران له‌لایه‌ن واشنتنه‌وه، بۆشاییه‌كی دروست كردووه كه رژێمی ئێران ناتوانێ پڕی بكاته‌وه.
هه‌روه‌ها هوك به رۆژنامه‌ی شه‌رقولئه‌وسه‌تی راگه‌یاندووه كه ئه‌مریكا مه‌ترسیدارترین تیرۆریستی جیهانی له‌ناوبردووه، بۆیه ئێستاكه ناوچه‌كه ئارام بووه، چونكه سوله‌یمانی وه‌ك چه‌سپێك بووه كه بریكاره‌كانی ئێرانی له‌ناوچه‌كه‌دا كۆكردۆته‌وه.
پێویستە بگوترێ، سەرەڕای ئەوەی لە رۆژی هێرشە مووشەكییەكەی ئێران، بەرپرسانی ئەو وڵاتە سەرەتا لە میدیاكان بڵاویان كردەوە تۆڵەی قاسم سلێمانییان كردووەتەوە، بەڵام دواتر شێوازی هەڵوێستەكانیان گۆڕی كاتێك بۆیان دەركەوت هیچ زیانێكی گیانی نەبووە.
