یەکەم هێرشی ئاسمانی ئەمریکا بۆ سەر تالیبان دوای رێکەوتنی دۆحە هاتە ئاراوە
![](https://xwakurk.com/wp-content/uploads/2020/03/webste-qalb-wena-9.jpg)
سوپای ئەمریکا بۆ یەکەم جار لە دوای واژووی رێکەوتەنامەی ئاشتی لە دۆحە هێرشی کردە سەر هێزەکانی سەر بە تالیبان لە ئەفغانستان .ئەو هێرشە لە ویلایەتی هیلمەند هاتۆتە ئاراوە ، وتەبێژی سوپای ئەمریکاش دەڵێت هێرشێکی بەرگریکارانە بووە .
ئەمڕۆ چوارشەممە سانی لگەت ، وتەبێژی سوپای ئەمریکا لە ئەفغانستان لە چەند تویتێکدا ئاشکرای کرد هێزەکانیان هێرشیان کردۆتە سەر چەکدارانی سەر بە تالیبان ، بە وتەی لگەت ئەو هێرشە ، هێرشێکی بەرگریکارانە بووە و هێزەکانی تالیبان نیازی هێرشیان بووە .
لە درێژەدا دەنووسێت هێزەکانی تالیبان بە شێوەیەکی چڕ هێرشیان بۆ سەر هێزەکانی ئاسایشی نشتیمانی ئەفغانستان دەست پێکردبوو ، گومان لەوە دەکرا هێرش بکرێتە سەر هێزەکانی ئەمریکاش ، بۆیە وەک بەرگریکار هێرشی ئاسمانیمان دەست پێکرد .
ئەوە یەکەم هێرشی ئاسمانی هێزەکانی ئەمریکا بوو بۆسەر تالیبان لە دوای ١١ رۆژ