تەندروستی هەرێم : دڵنیا نین لەوەی هاوڵاتییەکەی سلێمانی بۆ هۆی کۆرۆنا گیانی لە دەست دابێت
د. محەممەد قادر وتەبێژی وەزارەتی تەندروستی حکوومەتی هەرێمی کوردستان لە لێدوانیكدا بۆ ڕاگەیاندنەکان دەلێت تا ئێستا دڵنیا نین لەوەی ئەو هاووڵاتییەی سلێمانی کە ئەمڕۆ کۆچی دوایی کردووە ، بە هۆی ڤایرۆسی کۆرۆناوە بووبێت .
محەممەد قادر هەروەها دەڵێت ، لە کاتی پشکنیندا هاووڵاتییەکە هەڵگری ڤایرۆسەکە بووە بەڵام روون نییە بەو هۆیەوە مردبێت چونکە پێشتر نەخۆشی دیکەی هەبووە .
لە کۆتاییدا وتەبێژی وەزارەتی تەندروستی گووتی هەرچەند لە چەند کاتژمێردا دەرئەنجامی پشکنینەکان دیاری دەکرێت بەڵام بۆ دڵنیایی ناردوومانە بۆ بەغدا و سبەی ئەنجامی کۆتایی دەردەکەوێت .
